Ilustracyjnaja vyjava. Fota: «Naša Niva»

Ilustracyjnaja vyjava. Fota: «Naša Niva»

Daśledčyja kamandy pa kibierbiaśpiecy z partałaŭ SecurityDiscovery i Cybernews vyjavili hihanckuju ŭciečku asabistych danych pa ŭsioj płaniecie, jakaja składaje 12 terabajt infarmacyi i achoplivaje zvyš 26 miljardaŭ fajłaŭ asabistych danych (email, numary telefonaŭ, ulikovyja zapisy, fatahrafii i inšaje). Bolšaść ź ich źjaŭlajucca kanfidencyjnymi.

Śpiecyjalisty prazvali ŭciečku «Maci ŭsich źlivaŭ» i adznačyli, što jana «amal dakładna» źjaŭlajecca najbujniejšaj u historyi.

Jak piša Cybernews, uciečka zakranuła sotni roznych sacsietak i internet-resursaŭ, uklučajučy sajty ŭradavych arhanizacyj mnohich krain, takich jak ZŠA, Hiermanija, Turcyja, Filipiny, Brazilija i inš.

«Hetaja ŭciečka — nadzvyčaj niebiaśpiečnaja, pakolki złačyncy mohuć vykarystać vykradzienuju infarmacyju dla šyrokaha śpiektru napadaŭ, uklučajučy kradziež asabistych danych, składanyja fišynhavyja schiemy, metavyja kibierataki i niesankcyjanavany dostup da asabistych i kanfidencyjnych hrašovych rachunkaŭ», — papiaredzili daśledčyki, padkreśliŭšy, što ŭzłomščyki pakul nie identyfikavanyja.

Śpis samych paciarpiełych ad hihanckaj uciečki servisaŭ i sacsietak pa kolkaści stračanych fajłaŭ asabistych danych. Fota: Cybernews

Śpis samych paciarpiełych ad hihanckaj uciečki servisaŭ i sacsietak pa kolkaści stračanych fajłaŭ asabistych danych. Fota: Cybernews

Najbolš paciarpiełaj ad uciečki, pavodle Cybernews, źjaŭlajecca bujnaja kitajskaja sacsietka Tencent QQ, jakaja straciła paŭtara miljarda fajłaŭ asabistych danych karystalnikaŭ. 

U tym liku pad udar trapili takija internet-resursy, jak:

  • Weibo (504 młn. fajłaŭ);
  • MySpace (360 młn. fajłaŭ);
  • Twitter (281 młn. fajłaŭ);
  • Deezer (258 młn. fajłaŭ);
  • Linkedin (251 młn. fajłaŭ);
  • AdultFriendFinder (220 młn. fajłaŭ);
  • Adobe (153 młn. fajłaŭ);
  • Canva (143 młn. fajłaŭ);
  • «UKantakcie» (101 młn. fajłaŭ);
  • Daily Motion (86 młn. fajłaŭ);
  • Dropbox (69 młn. fajłaŭ);
  • Telegram (41 młn. fajłaŭ);

Akramia taho, chakierskaja ataka zakranuła i try biełaruskija damieny. Heta sundays.by (sajt biełaruskaha pastaŭščyka tavaraŭ dla pobytu i adpačynku), obana.by (užo niaisny sajt aŭkcyjonu tavaraŭ sa Skandynavii) i tuts.by (takoha sajtu taksama nie isnuje, adnak daśledčyki mahli pamylicca i dadać lišniuju litaru da nazvy razhromlenaha siłavikami bujnoha partała Tut.by, čyj novy ŭładalnik dahetul nieviadomy).

Poŭny śpis paciarpiełych internet-resursaŭ možna znajści ŭ kancy artykuła Cybernews.

Čytajcie taksama:

Łukašysty źbirajucca zmahacca z VPN i ananimajzierami

Jak deananimizujuć uładalnikaŭ kryptakašalkoŭ i što zrabić, kab zaścierahčysia?

Aściarožna, adbyvajucca masavyja sproby ŭzłomu telehram-akaŭntaŭ biełarusaŭ. Raskazvajem, jak abaranicca

Клас
6
Панылы сорам
10
Ха-ха
4
Ого
22
Сумна
3
Абуральна
23