Mihrantka z Efiopii, jakaja naradziła ŭ Mahilovie. Fota: skryn videa z sacyjalnych sietkach

Mihrantka z Efiopii, jakaja naradziła ŭ Mahilovie. Fota: skryn videa z sacyjalnych sietkach

Hramadzianka Efiopii trapiła ŭ Biełaruś z hrupaj suajčyńnikaŭ. Dabracca da Jeŭrasajuza im nie ŭdałosia.

Ciažarnuju inšaziemku pasialili ŭ Słaŭharadskim punkcie časovaha pierabyvańnia emihrantaŭ.

Słaŭharad znachodzicca za 70 kiłamietraŭ ad Mahilova i praź jaho prachodzić šaša z Rasii.

Z hłybinki Mahiloŭščyny žančynu, jakaja nie maje i dvaccaci hadoŭ, pryvieźli ŭ Mahiloŭskuju balnicu №1. Tutejšaja radzilnia vychodžvaje niedanošanych dziaciej. Adtul maci z dačkoj pieraviali ŭ abłasnuju lakarniu.

17 studzienia abiedźviuch pacyjentak balnicy vypisali. Mihrantka nazvała dačku Ivaj.

Jak paviedamili mahiloŭskija pabliki, maci ź dzicia zabiraŭ z balnicy Čyrvony Kryž «va ŭračystaj abstanoŭcy».

U Słaŭharadzie joj vydzielili asobny pakoj u internacie, jaki vyznačany pad miesca časovaha pražyvańnia emihrantaŭ.

Efiopka zabiaśpiečanaja ŭsim nieabchodnym i nadalej jaje budzie patranavać rajonnaja arhanizacyja Čyrvonaha Kryža, skazaŭ kiraŭnik abłasnoj arhanizacyi tavarystva Andrej Martynoŭski.

***

Historyja z efiopkaj adbyvajecca na fonie mižnarodnaha skandału, vyklikanaha datyčnaściu biełaruskaha Čyrvonaha Kryža da vyvazu ŭkrainskich dziaciej z akupavanych terytoryj u Biełaruś, a taksama naviedvańniem kiraŭnikom arhanizacyi Dźmitryjem Šaŭcovym Danbasu. Tam na jaho adzieńni byŭ simvał rasijskaj ahresii — łacinskaja litara Z.

Mižnarodny Čyrvony Kryž zapatrabavaŭ zvolnić Šaŭcova, a kali toje nie było zroblena, prypyniŭ siabroŭstva i finansavańnie biełaruskaha tavarystva. U adkaz biełaruski Čyrvony Kryž zajaviŭ ab prypynieńni hrašovaj padtrymki biežancam i mihrantam, patłumačyŭšy heta spynieńniem supracoŭnictva z partniorami.

Hladzicie taksama:

«Čyrvony Kryž u Biełarusi — heta nijaki nie niejtralitet». Byłyja vałanciory arhanizacyi raskazali, jak situacyja ŭ joj vyhladaje znutry

Mižnarodny Čyrvony Kryž adchryściŭsia ad pajezdak Šaŭcova na Danbas

«A my heta kankretna možam zrabić» — Šaŭcoŭ z Čyrvonaha Kryža pra jadziernuju zbroju

Na miežach Biełarusi z Polščaj i Łatvijaj zahinuli try mihranty

U Dźmitryja Łukašenki vyjaviłasia niezvyčajnaja pasada

Клас
1
Панылы сорам
5
Ха-ха
3
Ого
4
Сумна
3
Абуральна
0

Chočaš padzialicca važnaj infarmacyjaj ananimna i kanfidencyjna?