Ilustracyjny zdymak. Fota: Ofis Cichanoŭskaj

Ilustracyjny zdymak. Fota: Ofis Cichanoŭskaj

Viačorka tłumačyć, što ŭdzieł Śviatłany Cichanoŭskaj u takich mierapryjemstvach i karotkija sustrečy z palitykami roznych krain tam — sposab pryciahnuć uvahu da biełaruskich prablem.

 «Kab nas va ŭsioj hetaj mituśni, hieapalityčnym chaosie nie zabyli, nie śpisali, nie zdali Pucinu», — kaža Viačorka.

Čamu na forumie, kudy prylataŭ i Uładzimir Zialenski, nie atrymałasia sustrecca ź im?

«Tamu što my hetuju sustreču nie vyprošvajem, nie patrabujem. U administracyi Zialenskaha viedajuć, što my adkrytyja da kamunikacyi, i Kavaleŭski, i Labiedźka na praciahu apošniaha hoda sustrakalisia niekalki razoŭ ź jahonymi daradcami, i Śviatłana bačyłasia dvojčy za minuły hod ź Zialenskim. Hetaje paciskańnie ruk ź Zialenskim na kožnym forumie nie maje sensu, uličvajučy, nakolki jon zaniaty».

Ale ź ministram zamiežnych spraŭ Ukrainy Dźmitryjem Kulebam była mahčymaść koratka pierahavaryć pierad adnoj z dyskusij i paśla jaje.

«Dobryja davierlivyja adnosiny. Zaraz pahladzim, jaki budzie praciah, — kamientuje Franak Viačorka. — My čakajem pryznačeńnia ŭpaŭnavažanaha — śpiecpasłańnika pa Biełarusi z boku Ukrainy. My nakiravali takuju zajavu na imia ministra dzieści miesiac-paŭtara tamu i spadziajemsia, heta rašeńnie budzie pryniata, što značna ablehčyć našu supracu z Ukrainaj».

Ofis Cichanoŭskaj zapytvaŭ sustrečy na forumie i z afrykanskimi krainami, jakija siabrujuć z Łukašenkam. Dźvie krainy spačatku paćvierdzili sustrečy, a paśla spasavali.

«Mahčyma, spačatku padumali, što heta delehacyja aficyjnaha Mienska», — vykazaŭ zdahadku Viačorka.

Cikava, što peŭny čas na sajcie Davoskaha forumu ŭ raździele pra Cichanoŭskuju visieła spasyłka na dziaržaŭny sajt priezidient.hov.baj. Praź niekatory čas spasyłku prybrali.

Viačorka ličyć, što heta znak, što Cichanoŭskuju ŭsprymajuć jak pradstaŭnika krainy.

Čytajcie taksama:

Cichanoŭskaja sustrełasia ź ministram zamiežnych spraŭ Ukrainy

«Važny pačatak dyjałohu». Cichanoŭskaja sustrełasia z prezidentkaj Vienhryi ŭ Davosie

Što balić Vusavu, Paźniaku i Cichanoŭskaj? 

Čamu na kanfierencyi kalinoŭcaŭ nie było Sachaščyka i jak zdaryłasia ŭciečka infarmacyi

Клас
33
Панылы сорам
7
Ха-ха
15
Ого
0
Сумна
3
Абуральна
5