Fota: Realt.by
Na miescy supiermarkieta «Karona» ŭ HC «Most» na Instytucie kultury adkryjecca krama «Dyjanis». Heta vynikaje z apublikavanych vakansij, piša Realt.by.
«Karona» na vulicy Mahiloŭskaj, 2/1 pracavała z 2016 hoda. Płošča składała 583 kvadraty. A siońnia, 11 studzienia, jana zakryvajecca (spačatku byŭ zajaŭleny termin 4 studzienia, ale potym zakryćcio pieranieśli).
Na jaje miescy adkryjecca krama «Dyjanis». Hetaj sietkaj kiruje kampanija «Resttrejd» z Navapołacka. Jana zasnavana biznesmienami Siarhiejem Dumpam i Barysam Cłafam.
U Biełarusi ŭ «Dyjanisa» 25 kram. Ź ich 5 — u Minsku. U stalicu sietka pryjšła ŭ 2018 hodzie, adkryŭšy svoj supiermarkiet na miescy ŭniviersama «Mahiloŭski» na Instytucie kultury.
«Dyjanis» vyłučajecca siarod inšaha dobrym vybaram sadaviny, bo Dumpa kantraluje taksama kampaniju «Frutreał», jakaja źjaŭlajecca bujnym imparcioram sadaviny.
Čytajcie taksama:
