«Stary i mora» pa-novaziełandsku. Rybak vypaŭ z łodki pasiarod akijana i pravioŭ u im 24 hadziny, vyhladajučy akuł 2

61-hadovy rybak Uił Frensen vyjšaŭ u mora adzin na łodcy i začapiŭ na kručok vializnaha marlina.

Rybałoŭ kaža, što jaho daŭžynia dasiahała 3,75 mietra, vaha — 580 kh. Padčas baraćby z rybaj Frensen vypaŭ za bort łodki, a taja praciahnuła ruchacca biez kapitana. Jon sprabavaŭ nahnać sudna płyvučy, ale biespaśpiachova.

Rybak pravioŭ u adkrytym mory 24 hadziny.

«Ja zdaŭsia, pieraviarnuŭsia na śpinu i naziraŭ nad saboj cudoŭny zachad sonca», — raspaviadaje Frensen.

Ilustracyjnaje fota ź instahrama Uiła Frensena

U niejki momant jon ubačyŭ pobač płaŭnik akuły. Na ščaście, drapiežnik nie prajaviŭ cikavaści da jaho. Frensen drejfavaŭ na chvalach i kałaciŭsia kožny raz, kali dakranaŭsia da vodaraściaŭ, dumajučy, što heta akuła.

Na nastupny dzień jon ubačyŭ udalečyni łodku z rybakami. Kab pryciahnuć uvahu, jon pačaŭ adbivać naručnym hadzińnikam soniečnaje śviatło ŭ ich bok.

Tyja zaŭvažyli i vyratavali rybałova, paśla čaho dastavili jaho ŭ balnicu.

Čytajcie taksama:

Brytanskamu pryncu Łui ŭpieršyniu dazvolili nadzieć štany

Mužčyna z Paŭnočnaj Irłandyi vyjhraŭ 4 miljony jeŭra, ale praciahnuŭ pracavać dastaŭščykam, kab nie padvieści kaleh

Raźjušanyja fiermiery ŭvieś viečar šturmavali parom vice-kanclera Hiermanii

15

0

0

11

0

1

Nashaniva.com