«Biełarusy zaŭsiody byli chałopami to ŭ Polščy, to ŭ Rasii»

Pa słovach surazmoŭcy, Karaviakoŭski šmat kazaŭ pra toje, što siłavyja struktury pracujuć dziela biaśpieki pieravažnaj bolšaści hramadzian, jakija vykonvajuć zakon. Što ŭ 2020 hodzie ludzi nibyta vychodzili darma, tamu što ich padmanuli tyja, chto «dziesiacihodździami rychtavaŭ hetyja pratesty».

Dziejnaść apanientaŭ ułady jon paraŭnoŭvaŭ ź dziejańniami kałabarantaŭ z fašysckaj Hiermanijaj padčas vajny. Jašče jon kazaŭ, što

nie źviazvaje pieryjady historyi VKŁ i Rečy Paspalitaj z historyjaj Biełarusi, pakolki sami biełarusy ŭ tyja časy «pastajanna byli chałopami to ŭ Polščy, to ŭ Rasii». Niezrazumieła, praŭda, jak jany byli chałopami Rasii da taho, jak Biełaruś uvajšła ŭ skład Rasijskaj impieryi.

Pakazaŭšy siabie «vialikim znaŭcam» staražytnaj historyi, Karaviakoŭski staŭ havaryć pra «lichija» 90-yja, kali ludzi «adčuli svabodu, ale akazalisia da jaje zusim nie hatovyja».

Pavodle jahonych słoŭ, «prapahanda ŭ «saŭku» havaryła ludziam praŭdu, chavajučy niekatoryja momanty, a kali heta ŭsio stała viadoma, to lepš by i nie raskazvali».

Taksama milicejski načalnik śćviardžaŭ, što zakony ŭ Biełarusi miakčejšyja, čym u Jeŭropie.

Maŭlaŭ, tam, «kali z mašyny vytrasieš popielnicu, to ŭ kancy vulicy ciabie spynić palicyja, tamu što ŭžo piać čałaviek patelefanavali, i heta ličycca normaj, a ŭ nas danos».

I naohuł, naša «pravaachoŭnaja» sistema, na dumku pałkoŭnika milicyi, samaja humannaja.

Siłaviki na sustrečy za studentami Bresckaha ŭniviersiteta. Fota: sajt BrDU

Siłaviki na sustrečy za studentami Bresckaha ŭniviersiteta. Fota: sajt BrDU

Pahrozy ad siłavikoŭ: «Luby čat u naš čas moža stać ekstremisckim»

Adzin z namieśnikaŭ načalnika RAUS sprabavaŭ pierakanać studentaŭ, što niemahčyma paźbiehnuć pakarańnia, byŭšy padpisanym na «ekstremisckija farmiravańni». Jon raskazaŭ pra pieralik zabłakavanych sajtaŭ, pra najaŭnuju kryminalnuju adkaznaść za raspaŭsiud i ŭdzieł u kanałach, čatach, farmiravańniach, pryznanych «ekstremisckimi».

U jakaści prykładu jon pryvioŭ telehram-kanał Nexta. Maŭlaŭ, padčas pratestaŭ «chłopčyki 16-17 hadoŭ chadzili ŭ natoŭpie z nažami, piarcoŭkami i «kaktejlami Mołatava» ŭ zaplečniku, a kali ich zatrymlivali, kazali, što prosta hulajuć», pa instrukcyi Nexta.

Dalej siłavik zakranuŭ temu zatrymańniaŭ u BrDU 1 śniežnia. Pavodle jaho słoŭ,

pryčynaj stała toje, što ŭ čat histfaka, dzie abmiarkoŭvali ŭ tym liku i vajnu, skinuli svastyku, ale nichto nie źviarnuŭ na heta ŭvahi. Zatym u hety čat nibyta pačali aktyŭna ŭkidvać BČB-ściahi, ale «ŭsim taksama było ŭsio adno».

Namieśnik načalnika pieraścierahaŭ studentaŭ, što «ŭ naš čas čaty ŭ luby momant mohuć stać ekstremisckimi». Tamu treba być akuratnymi i pamiatać, što ŭ kožnaha jość ličbavy śled i što kali «trapicie ŭ pole zroku, to vas znojduć».

Skrynšot čata studentaŭ BrDU imia Puškina. Fota z telehram-kanała siłavikoŭ

Skrynšot čata studentaŭ BrDU imia Puškina. Fota z telehram-kanała siłavikoŭ

Vychadki siłavikoŭ: «Sami ž ukinuli svastyku, kab potym abvinavacić studentaŭ»

«Pra sustreču ź siłavikami nas papiaredzili prykładna za hadzinu da pačatku «lekcyi», — raskazaŭ BGmedia adzin sa studentaŭ. — Namieśnica dekana pa vychavaŭčaj rabocie kazała, što iści na jaje treba abaviazkova. Ale tym, chto nie pajšoŭ, naturalna, ničoha nie było.

U mianie jakraz utvaryłasia svabodnaja para, i ja vyrašyŭ pajści, nie z-za strachu pierad dekanatam, a prosta dziela prykołu. Było cikava pasłuchać, što hetym razam buduć ucirać «pahonščyki» (ludzi ŭ pahonach — zaŭv. red.)».

Jak akazałasia, ničoha novaha milicyjanty nie prydumali. Taja ž łuchta, što i hod, i dva tamu. Reakcyja adnahrupnikaŭ surazmoŭcy vydańnia była prykładna takoj ža.

Šmat u kaho byli niezadavolenyja tvary. Ale nichto im (supracoŭnikam RAUS), viadoma ž, nie apaniravaŭ. Adzinaje tolki, što spytali, to heta pra zatrymanych chłopcaŭ, čaćviora ź jakich usio jašče zastajucca ŭ SIZA. Ale vyraznaha adkazu nie atrymali, akramia taho, što «ciapier viaducca śledčyja dziejańni» i inšaje.

«Takoje ŭražańnie, što siłavikam prosta treba było adznačycca, što jany praviali pracu z moładździu i raspaviali pra škodu ekstremizmu», — padsumavaŭ surazmoŭca.

Adnosna svastyki, jakaja raptam źjaviłasia ŭ čacie studentaŭ histaryčnaha fakulteta, jon, budučy siarod udzielnikaŭ hetaha čata, adkazaŭ, nie zadumvajučysia:

«Praktyčna nichto z nas (studentaŭ) nie sumniavajecca, što heta była pravakacyja śpiecsłužbaŭ. To-bok sami ž siłaviki ŭsio arhanizavali, kab potym abvinavacić nas, byccam my tut raspaŭsiudžvajem nacyzm. Zrabić heta nie ŭjaŭlaje nijakaj asablivaj składanaści».

Čytajcie taksama:

«Heta byŭ sapraŭdny treš. Jany ŭryvalisia ŭ pakoi, patrabavali ŭ nas telefony, pierakulvali ŭsio ŭvierch dnom»

«Padobna da cyrku, tolki nie treba płacić za bilety». Studenty raskazali, jak prachodziać «Začiotnyje razhovory» z prapahandystami

«Jašče adzin krok — i jaho žyćcio mahło pajści pad adchon». Prapahandysty źniali na fonie adčynienaj kamiery chłopca, jaki nibyta «pryjšoŭ z pavinnaj»

Клас
2
Панылы сорам
2
Ха-ха
1
Ого
0
Сумна
1
Абуральна
20