Brazilskija sałdaty maršyrujuć mima prezidenckaj trybuny padčas vajskovaha parada, pryśviečanaha Dniu armii, u stalicy krainy Brazilii. 19 krasavika 2023 hoda. Fota: Eraldo Peres / AP
Bahaty naftaj rehijon Hajana-Esekiba naležyć Hajanie, ale Vieniesueła z kanca XIX stahodździa asprečvaje pravy na jaho.
U minułuju niadzielu ŭłady Vieniesueły praviali ahulnanarodny refierendum pa pytańni dałučeńnia hetaj terytoryi. 95% vykazalisia «za».
Niahledziačy na takuju ŭražalnuju ličbu, u refierendumie ŭziali ŭdzieł usiaho blizu dvuch miljonaŭ čałaviek, to-bok prykładna 10% nasielnictva, jakoje maje prava hołasu.
Ale prezidenta Maduru heta nie biantežyć, jon nazvaŭ vyniki hałasavańnia biezumoŭnaj pieramohaj i ŭ sieradu pačaŭ realizacyju płana aneksii Hajany-Esekiba, prapanavaŭšy Nacyjanalnaj asamblei krainy pryniać zakonaprajekt ab uklučeńni hetaj terytoryi ŭ skład Vieniesueły.
Jon taksama rasparadziŭsia, kab dziaržaŭnaja naftavaja kampanija vydała licenzii na raspracoŭku naftavych radoviščaŭ rehijona.
Vieniesueła pakazana žoŭtym koleram. Hajana — čyrvonym. Aranžavym koleram paznačany rehijon Esekiba. Fota: SurinameCentral / Wikimedia Commons
Akramia taho, z hetaha času na kartach Vieniesueły terytoryja Hajany-Esekiba budzie adznačacca jak častka krainy. Raniej jana adlustroŭvałasia zaštrychavanaj — heta aznačała, što terytoryja sprečnaja.
Hajana pryviała svaje vojski ŭ pavyšanuju hatoŭnaść i źviarnułasia ŭ Radu biaśpieki AAN z prośbaj umiašacca ŭ situacyju, jakaja pahražaje destabilizacyjaj usiaho rehijona.
Brazilskaja armija ściahvaje dadatkovyja vojski i techniku da pamiežnaha štata Rarajma.
Typovy piejzaž Hajany-Esekiba. Fota: Arterra / Marica van der Meer / Universal Images Group via Getty Images
Kali Vieniesueła vyrašycca na vajennaje ŭvarvańnie ŭ Hajanu-Esekiba, ažyćciavić jaho budzie mahčyma tolki praz terytoryju Brazilii. U tych rajonach, dzie Vieniesueła i Hajana miažujuć biespasiarednie, pieramiaščeńnie vojskaŭ faktyčna niemahčyma z-za łandšaftu miascovaści.
Brazilskaje kamandavańnie zajaviła, što ŭzmacniaje svaju prysutnaść u rehijonie, kab harantavać nieŭmiašańnie Brazilii ŭ kanflikt.
U sieradu z radaraŭ źnik vajenny viertalot Hajany, na borcie jakoha znachodzilisia siem čałaviek. Infarmacyi pra jaho pa-raniejšamu niama, adnak kiraŭnik Hienštaba Amar Chan zajaviŭ, što na dačynieńnie Vieniesueły da incydentu pakul ništo nie pakazvaje.
Čytajcie taksama:
95% čałaviek prahałasavali na refierendumie za ŭklučeńnie dźviuch tracin Hajany ŭ skład Vieniesueły
Madura abviaściŭ častku Hajany 24-m štatam Vieniesueły
Narastaje napružanaść miž Vieniesuełaj i Hajanaj. Ci mahčymaja novaja vajna?
