Raman Abramovič na matčy «Čełsi» ŭ mai 2021 hoda ŭ Łondanie. Fota: AP Photo / Martin Meissner, File

Raman Abramovič na matčy «Čełsi» ŭ mai 2021 hoda ŭ Łondanie. Fota: AP Photo / Martin Meissner, File

Praz uciečku źviestak padčas žurnalisckaha rasśledavańnia Cyprus Confidential vyśvietliłasia, što ŭ dziaciej Ramana Abramoviča — Arkadzia i Hanny — jość litoŭskaje hramadzianstva, piša Delfi sa spasyłkaj na Centr rasśledavalnickaj žurnalistyki «Ściana».

Žurnalisty ŭ dakumientach kiprskaj kampanii Meritservus vyjavili fatahrafiju pašparta Arkadzia Abramoviča. Dakumient byŭ vydadzieny 10 hadoŭ tamu, termin jaho skončyŭsia 5 śniežnia 2023 hoda. Aŭtentyčnaść kopii była paćvierdžana podpisam łondanskaha jurysta. Kali litoŭski pašpart atrymała dačka Abramoviča, niezrazumieła — u dakumientach znajšli tolki numar jaje litoŭskaha pašparta i ŭkazańnie na litoŭskaje hramadzianstva.

Praanalizavanaja žurnalistami pierapiska pakazała, što litoŭskija pašparty Arkadzia i Hanny byli vykarystanyja dla praviadzieńnia apieracyj, jakija aceńvajuć jak sprobu abychodu mižnarodnych sankcyj, nakładzienych na aliharcha.

Departamient mihracyi Litvy situacyi nie kamientuje.

U pačatku hoda brytanskaje vydańnie The Guardian paviedamlała, što pierad maštabnym uvarvańniem Rasijei va Ukrainu Abramovič bolšuju častku svajoj majomaści padzialiŭ pamiž svaimi siamiu dziećmi.

Pavodle padlikaŭ, košt pierapisanaj na dziaciej majomaści — minimum 4 miljardy dalaraŭ.

Čytajcie taksama:

Pazašlubny syn Šajhu źjechaŭ z Rasii za niekalki dzion da mabilizacyi — rasśledavańnie

U Litvie vyjavili, što dačka Šajhu maje litoŭskaje hramadzianstva

Клас
1
Панылы сорам
1
Ха-ха
4
Ого
0
Сумна
0
Абуральна
7