Fota: SK

Fota: SK

U mai ŭ milicyju źviarnuŭsia 35-hadovy žychar Mahilova i raspavioŭ, što tydniem raniej troje znajomych vyvieźli jaho ŭ les i patrabavali viarnuć doŭh. Pry hetym jany ździekavalisia ź jaho, źbivali i prynižali, paviedamlaje SK.

Vyśvietliłasia, što mužčyna dva hady tamu pazyčaŭ u ich hrošy, abiacajučy viarnuć u bolšym pamiery. Jon raspavioŭ, što paznajomiŭsia ŭ internecie z arhanizataram damoŭnych futbolnych i chakiejnych matčaŭ u Rasii. Zarabić pavinien byŭ robiačy patrebnyja staŭki. Kredytory pavieryli svajmu znajomamu i pieradavali hrošy pad raśpisku.

Adnak mahiloviec užo na pieršapačatkovym etapie staŭ prajhravać. Ale zamiest taho, kab spynicca, jon vydumlaŭ roznyja padstavy adterminoŭki viartańnia doŭhu i znoŭ braŭ hrošy, u tym liku kažučy, što treba ŭnieści na rachunak dadatkovyja sumy dla vyvadu vyjhryšu. Za hety čas mužčyna prajhraŭ zvyš 150 tysiač dalaraŭ.

Daŭžnik viartaŭ hrošy nievialikimi častkami, a praz čas i zusim pierastaŭ heta rabić. Zamiest zvarotu ŭ milicyju mužčyny vyrašyli dziejničać samastojna — vybić «doŭh».

Na padstavie pieradačy čarhovaj sumy jany prapanavali daŭžniku pryjechać u stalicu. Pasadzili ŭ aŭtamabil i vyvieźli ŭ les. Tam źbili, prymusili raspranucca i, zabraŭšy adzieńnie, a taksama telefon, źjechali. 

U vyniku jany byli zatrymanyja. Usim hierojam publikacyi pa 33—39 hadoŭ. Usie raniej nie sudzimyja, dvoje ź ich źjaŭlalisia dyrektarami jurydyčnych asob, jašče adzin — načalnik učastka ŭ budaŭničaj arhanizacyi.

Pa zaviaršeńni rasśledavańnia dziejańni kvalifikavanyja śledstvam pa p. 6 č. 2 art. 182 (vykradańnie čałavieka, ździejśnienaje hrupaj asob pa papiaredniaj zmovie) i č. 2 art. 384 (prymus da vykanańnia abaviazacielstvaŭ, ździejśnieny hrupaj asob) Kryminalnaha kodeksa Respubliki Biełaruś. Jany źmieščanyja pad vartu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?