Lebron Džejms (№23). Fota: Matt Slocum / AP

Lebron Džejms (№23). Fota: Matt Slocum / AP

Heta dasiahnieńnie skaryłasia Džejmsu ŭ hulni suprać «Fiładelfii-76», jakaja, praŭda, zaviaršyłasia razhromam «Lejkiers» ź likam 94:138. U joj Lebron nabraŭ 18 punktaŭ, piša sportrbc.

Pa chodzie sustrečy Džejms pabiŭ rekord šaścirazovaha čempijona NBA Karyma Abduł-Džabara, u jakoha było 66 297 zhulanych chvilin u matčach rehularnaha čempijanatu i płej-of. U Lebrona ciapier 66 318 chvilin.

Adnak Lebron paciarpieŭ samaje razhromnaje paražeńnie ŭ karjery. Dahetul najhoršym vynikam jaho ŭ karjery była paraza ad «Indyjany» ŭ 2019 hodzie z roźnicaj «-42». Zaraz roźnica skłała 44 punkty.

Na minułym tydni 38-hadovy Džejms pieršym u historyi NBA dasiahnuŭ adznaki 39 tysiač nabranych bałaŭ.

Lebron Džejms ličycca adnym z najlepšych baskietbalistaŭ u historyi. Jon čatyrochrazovy čempijon NBA (dva razy ŭ składzie «Majami», pa adnym — z «Kliŭlendam» i «Lejkiers»), čatyrochrazovy samy kaštoŭny hulec finału NBA, a taksama čatyrochrazovy samy kaštoŭny hulec NBA. Na rachunku baskietbalista dva alimpijskija zołaty ŭ składzie zbornaj ZŠA (2008, 2012).

Čytajcie taksama:

Samaja viadomaja baskietbalistka Łatvii i SSSR moža zastacca biez abiedźviuch noh

Kaciaryna Snycina ŭvajšła ŭ top-3 pa nabranych ačkach u historyi Jeŭrakubka

Pradstaŭniki kłuba «Hołden Stejt» zhulali ŭ baskietboł ź viaźniami turmy «San-Kviencin». Asudžanyja pieramahli

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?