Nieruchomaść6

«Prablema moža pryjści adkul nie čakali». Minčuki pra toje, jak vybirali kvatery i pra što potym paškadavali

Vybar kvatery — sprava surjoznaja. Adnamu žyćciova važny rajon, inšamu — materyjał, ź jakoha zrobleny dom, dla treciaha hałoŭnaje — krajavid z akna, a astatniaje nie maje značeńnia. Ale ci tak važnyja hetyja krytery praz hady žyćcia ŭ kvatery? Realt spytaŭ u čytačoŭ, na što b jany źviartali ŭvahu ciapier pry kupli kvatery i ci źmianili b svoj vybar z ulikam nabytaha vopytu?

«Jak što nie tak, susiedzi adrazu pisali ŭ ahulnadamavy čat i łajalisia»

Iryna, 35 hadoŭ:

− My z mužam žyli ŭ Novaj Baravoj. Dla mnohich minčan hety rajon — miaža letucieńniaŭ, ale ŭ nas inšaja historyja. 

Pražyŭšy ŭ Novaj Baravoj 2 hady, my zrazumieli, što nam tut nie padabajecca. Pa-pieršaje, vokny našaj studyi vychodzili na zakrytuju terytoryju, dzie raźmiaščałasia dziciačaja placoŭka. Tamaka źbirałasia vielmi šmat dziaciej, i adpaviedna byli kryki. A pa-druhoje, i heta napružvała bolš za ŭsio, navat znachodziačysia ŭ svajoj kvatery, nam uvieś čas treba było prytrymvacca niejkich pravił. 

Ledź što nie tak, susiedzi adrazu pisali ŭ ahulnadamavy čat i łajalisia. Chtości ŭklučyŭ muzyku, chtości vyrašyŭ pryniać vannuju paśla 23:00, chtości śvidruje ŭ abied (a ŭ kahości dzieci śpiać). Heta ŭsio było ŭ pastajannym režymie, i my ad hetaha vielmi stamilisia. 

U vyniku hod tamu my kupili adnapakajovuju kvateru ŭ Zialonym Łuzie. Jak by śmiešna ni hučała, ale my šukali kvateru mienavita na pieršym paviersie. Mnie zdajecca, što pieršy pavierch — heta niejkaja svaboda. Jak byccam ty žyvieš nie ŭ šmatkvaterniku, a niedzie ŭ pryvatnym domie. Na hety raz my vybrali nie novabudoŭlu, a stary trochpaviarchovy dom. 

U našym padjeździe ŭsiaho 9 kvater! Žyvučy ŭ Novaj Baravoj, pra takoje možna było tolki maryć. My lubim spakoj, i taki dom — heta toje, što nam treba. Ramont u kvatery byŭ, my tolki krychu dadali ŭ interjer vintažnaha stylu. I tak — tut u nas trochmietrovyja stoli.

Ciapier ja vielmi ščaślivaja, što my kupili mienavita hetuju kvateru i pierajechali z elitnaha rajona ŭ zvyčajny. 

Tut šmat zielaniny, pobač Cnianskaje vadaschovišča, a cieraz darohu — Sievastopalski park. 

Kali hladzieć na siońniašni dzień, to adzinaje, na što my nie źviarnuli ŭvahu pry vybary kvatery (a treba było b) — heta bałkon. U nas na pieršym paviersie jaho niama, i hetaj opcyi krychu nie chapaje. U astatnim ža na novym miescy, dzie my žyviem užo hod, nas usio zadavalniaje. 

«Ja b ni zavošta nie brała 5-y pavierch bieź lifta»

Alena, 62 hady:

− My kuplali kvateru ŭ dalokim 2000-m hodzie. Vybar kvater u Minsku tady byŭ zusim nievialiki, tamu brali toje, što prapanavali. Heta byŭ novy manalitny dom ź cikavymi płaniroŭkami i vialikimi kvaterami. 

Usio što nas cikaviła — heta jak maha bolšy mietraž i najaŭnaść ennaj kolkaści pakojaŭ u kvatery. U nas — dźvie dački, chaciełasia, kab u kožnaj byŭ svoj pakoj. A jašče my maryli ab harderobnaj, kabiniecie, vialikaj stałovaj.

Paśla standartnych trošak, u jakich usie tady žyli, chaciełasia nie abmiažoŭvać siabie. Tamu kali nam prapanavali vializnuju 100-mietrovuju kvateru na apošnim piatym paviersie — my byli ščaślivyja. Pavierch u tyja hady naohuł nie biantežyŭ. Što da mietražu, to ŭziali b i bolš, ale inšych varyjantaŭ nie było. 

Što źmianiłasia siońnia, praz 20 hod? Pa-pieršaje, ja b ni zavošta nie brała 5-y pavierch bieź lifta. My z mužam nie maładziejem i z kožnym hodam padnimacca ŭsio ciažej. Chtości skaža — ničoha, zatoje zaŭsiody budziecie ŭ formie. Tak, ale heta kali chadzić ulehcy. A vy sprabavali zaciahnuć na pavierch napaŭnialnik dla kacinaha tualeta ci ciažki čamadan?! Viadoma, častkova prablemu vyrašajuć kurjery, ale spuskacca ŭniz i padnimacca nazad bieź lifta — užo napružvaje. 

Druhi momant — vialikaja płošča kvatery. 

Ciapier dočki vyraśli i razjechalisia. U kvatery zastalisia tolki my z mužam. Nam dvaim dastatkova pary pakojaŭ, astatnija ž prosta słužać składam dla mebli i niepatrebnych rečaŭ. Vialikaja prastora haścinaj — zaraz taksama chutčej minus, čym plus, bo płošča nie vykarystoŭvajecca, ale ŭvieś čas maje patrebu va ŭborcy. Pry hetym pradać vialikuju kvateru ciažej, čym zvyčajnuju dvušku-trošku. 

«Dla mianie pryncypovym byŭ bok śvietu»

Karyna, 26 hadoŭ: 

− U Minsku ja žyvu kala 5 hadoŭ. Za hety čas paśpieła źmianić šmat rajonaŭ i pažyć u roznych častkach horada. Kali zjaviłasia mahčymaść kupić ułasnuju kvateru, ja zychodziła z taho, što samaje hałoŭnaje dla mianie — heta miescaznachodžańnie. Niekatory čas ja žyła va Uruččy i dabiracca da centra adtul, ščyra kažučy, było niazručna. Mnie chaciełasia być niedzie bližej da ofisa plus kab heta byŭ niejki adnosna małady rajon. 

U vyniku, ja vybrała ŽK «Kaskad». Da hetaha kvartała ja daŭno pryhladałasia, była tut u haściach. Toj momant, što tut niekali była turma, mianie nie źbiantežyŭ. 

Pierasialiŭšysia siudy z Uručča, ja była prosta ŭ zachapleńni ad taho, jak chutka možna kudyści dabracca. Jašče va Uruččy mnie vielmi nie chapała kaviarniaŭ, a ciapier ja radujusia, kali mahu vyjści z domu i praz paru chvilin kupić lubimuju matču litaralna ŭ susiednim budynku. 

Kali ja vybirała kvateru, to pahladzieła šmat varyjantaŭ. Jeździła ŭ inšyja kompleksy, ale niedzie jašče nie było vakoł infrastruktury, niedzie treba było čakać pakul dabudujuć sam dom, niedzie byli pytańni z dakumientami. U vyniku, vybar upaŭ na hetuju kvateru. Ja ŭbačyła abjavu, u toj ža dzień jaje pahladzieła, a na ranicu my ŭžo damovilisia z haspadarami ab košcie. Asnoŭnym kryteram dla mianie było — pierajechać adrazu biez asablivych układańniaŭ. Tak i atrymałasia: užo praz tydzień ja zajechała ŭ svaju kvateru.

Fota pradstaŭlena čytačkaj

Aproč miescaznachodžańnia, dla mianie važnym byŭ košt. Za kvadrat u mianie vyjšła kala 1450 dalaraŭ. Uličvajučy, što mnie nie pryjšłosia kuplać siudy ŭvohule ničoha, heta — vydatny varyjant. 

Adznaču, što pačynała ja hladzieć kvatery, kali ceny byli nižejšyja, i tady mnie była pryncypova važnaja płaniroŭka. Ja chacieła kvateru ź vialikaj harderobnaj i paasobnym sanvuzłom. U vyniku, za paŭhoda ceny na žyllo vyraśli, i mnie pryjšłosia prybrać hetyja patrabavańni. U toj kvatery, što ja kupiła, jość tolki maleńkaja harderobnaja i sumieščany sanvuzieł. Ale heta akazałasia nie tak važna. 

A voś bok śvietu (a ja chacieŭ mienavita paŭdniovy ŭschod) dla mianie byŭ pryncypovym. U hetym płanie ŭ majoj kvatery, jakaja jašče i znachodzicca na 20-m paviersie, usio syšłosia idealna. 

Ranicaj i dniom u mianie sonca, a ŭviečary ja baču cudoŭnyja zachady. 

«Treba było budavać nie dvušku, a dźvie adnapakajoŭki»

Natalla, 57 hadoŭ: 

− My pierajechali ŭ Kopišča 3 hady tamu ź Pieršamajskaha rajona. Hałoŭnym faktaram pry vybary tady była cana. Bo my 20 hadoŭ žyli ŭ internacie, to dla nas lubaja asobnaja kvatera była radaściu. 

Hetuju kvateru my, možna skazać, nabyli vypadkova. Ubačyli abjavu, zajechali ŭ ofis prodažaŭ i kupili. Tady dom tolki budavaŭsia, z katłavana pakazalisia dva pavierchi, my na druhim i ŭziali. Nam jašče i dobruju źnižku dali za toje, što vokny buduć vychodzić na inšy dom. Darečy, u vyniku, nijaki dom tut tak i nie zjaviŭsia.

Fota pradstaŭlena čytačkaj

U ideale my, viadoma, maryli zastacca niedzie ŭ našym rajonie i spačatku vielmi pieražyvali, što daviadziecca pakidać rodnyja miaściny. Tady zdavałasia, što žyć niedzie ŭ inšym miescy budzie składana. Muž naohuł nie chacieŭ z Vałhahradskaj zjazdžać, kazaŭ: u nas tut cicha-spakojna, navošta mnie heta Kopišča. 

Ale zaraz my tut pryžylisia, i nam usio padabajecca. Akazałasia, što heta taksama vielmi niadrenny mikrarajon. Sam dom — novy, pobač — les, dzie možna prahulacca, jość reštki viosački, vakoł taksama cicha. Adziny momant — dziciačaja placoŭka ŭ nas raźmieščana prama pad aknom. Kali ŭletku da nočy tut staić šum-ham, nie vielmi raduje. 

Źmianilisia za hety čas i adnosiny da mietražu. Kali vybirali kvateru, to chacieli bolš-bolš. Dumali ab trochpakajovaj, ale atrymałasia nabyć tolki dvušku. A voś zaraz žyviem i razumiejem — dobra, što nie stali brać kvateru bolšuju. Što b my ź joj rabili? Tak, kali dzieci byli małodšyja, my maryli ab trochpakajoŭcy, ab tym, jak u kožnaha budzie svoj pakoj. A zaraz dačka i syn vyraśli i nie žadajuć žyć razam z baćkami. Ciapier ja naohuł dumaju, što było b bolš hrošaj, treba było budavać nie dvušku, a dźvie adnapakajoŭki, kab dzieciam dastałasia asobnaje žyllo. 

«Abaviazkova spytajcie ŭ susiedziaŭ ab susiedziach»

Alaksandr, 34 hady: 

— Ja kupiŭ adnušku ŭ zvyčajnaj panelcy 80-ch na Instytucie kultury ŭ 2017 hodzie. Pryčym da hetaj padziei ja nie asabliva rychtavaŭsia, nie vyvučaŭ dziasiatki varyjantaŭ i nie čytaŭ nijakich paradaŭ. Mnie prosta chaciełasia žyć u hetym rajonie i znajści tut tannuju kvateru. Tak i stałasia, pryčym chutka. U vyniku kvatera akazałasia naohuł biesprablemnaj i ciopłaj. 

Ale za hetyja hady ŭspłyło niekalki momantaŭ. 

Pa-pieršaje, u kvatery źnizu pa dyjahanali žyvuć chłopcy, jakija časam zjazdžajuć u ŁPP. Ale kali jany pryjazdžajuć — tam viesiałość pačynajecca! Heta napružvaje, choć nivodnaja ich ściana nie datykajecca da majoj.

Pa-druhoje, sioleta mianie zatapiŭ susied ź piataha paviercha, chacia ja žyvu na druhim! Vada ž maje ŭłaścivaść biaskonca ściakać uniz. I mužyk tamaka akazaŭsia dziŭny — ź viadrom zamiest źlivu ŭ kuchni. Tamu maja parada — kali vam spadabałasia kvatera, prajdzicie pa susiedziach i papytajcie, chto žyvie nie tolki pad i nad vami, ale i naohuł na niekalki pavierchaŭ vyšej. Bo prablema moža pryjści adkul nie čakali.

Čytajcie taksama:

Novy dom u «Minsk Śviecie» ad Dana pryvodzić budučych žycharoŭ u žach

«Smačny» biznes. Jakija kafe i restarany ciapier pradajucca

U ahraharadku ŭ Baranavickim rajonie pradajuć katedž za 1,27 młn ​​rubloŭ. Što ŭ im

Kamientary6

  • Zmahar
    28.11.2023
    «ni zavošta» - heta jak, Naša Niva?! Heta pra vošy?
  • chtości
    28.11.2023
    "chtości vyrašyŭ pryniać vannuju paśla 23:00"
    dobraja hukaizalacyja ŭ Novaj Baravoj...
  • Munchen
    28.11.2023
     Wse eti istorii iz drugoy żiżni.
    Kto to ostaetsa żit w zapowednike w swoeje kwartire, a kto to kak ja wybiraem nebolszuju , syemnuyu kwartiru, no s zapahom swobody, wozmosznostami i t.d.
    wse ostalnoe wtoriczno, 
    kazdomu swoje

«Dziuna: častka druhaja» — błakbastar, idealny da skryhatu ŭ zubach1

Chto zabiŭ Franciška Alachnoviča. Adkryty novyja fakty8

Ała Puhačova apublikavała post paśla śmierci Navalnaha19

«Praciraju dźviarnuju ručku, bo jaje mohuć namazać atrutaju». Pahavaryli z homielskim psichołaham, kvateru jakoj razhramili siłaviki17

«Z 3 pa 6 kłas nasiŭ zaplečnik adnakłaśnicy». Historyi ludziej, u jakich nikoli nie było surjoznych adnosin8

MUS zajaviła pra pieršuju spravu za admaŭleńnie hienacydu biełaruskaha naroda12

Druhi hod zapar na «Pieśni hoda Biełarusi» pieramahła niaviestka Łukašenki25

«U pamiežnikaŭ mahli ŭźniknuć da mianie pytańni». Jak biełarusy abychodnymi šlachami atrymlivajuć polski šenhien12

102-hadovaja žančyna ŭspomniła pra hady vajny, dy nie ŭličyła ideałohii. Jaje papraviŭ 74-hadovy kamunist15

Stała viadoma, jakija katehoryi ludziej pakinuli za kratami paśla apošniaj abłavy na salidarnych z palitviaźniami5

«Aproč tych dvanaccaci hadoŭ, kali jon piŭ». Udava Ryhora Baradulina apublikavała niazvykłyja ŭspaminy pra jaho6

Jak prapahandyst Ihar Tur staŭ lubimčykam Łukašenki i kolki zarabiŭ u 2020-m15

«Ja, kali zakryvaju pracoŭny noŭt u piatnicu ŭviečary». Najlepšyja tvity tydnia4

Mužčynu, jakoha zatrymali paśla viartańnia z Polščy, buduć sudzić za «zdradu dziaržavie»11

Učora ŚMI paviedamlali pra zatrymańnie byłoha kiraŭnika Bresta. Ale nasamreč jon na voli4

Na fakultetach BDU stvaryli kamisii, jakija ŭziali pad kantrol kadravyja pytańni

«Zavierbavać Klimoviča. Kab sačyć za im — zavierbavać Hrabinskaha. Kab sačyć za Hrabinskim — zavierbavać Sierhijeviča»: jak NKVD chacieŭ pastavić zachodniebiełaruskuju intelihiencyju na kaleni4

Lizu, što pamierła ŭčora ŭ Varšavie, pachavajuć u polskaj stalicy4

Historyja čatyroch žančyn, jakija pieražyli HUŁAH i paŭstańnie ŭ łahiery5

Samy aktyŭny danosčyk Bambiza na vybarach zaniaŭ apošniaje miesca z usiaho Minska — jamu namalavali 1,999%4

Usie naviny →
Usie naviny

Rasija zabaraniła paloty samalotaŭ A-50 kala Ukrainy — brytanskaja raźviedka3

Mitrapalit Vienijamin uznaharodziŭ carkoŭnym ordenam Ivana Kubrakova24

Pamior skulptar Ihar Hołubieŭ

Arhiencina addała Ukrainie viertaloty, jakija atrymała ad Rasii9

U Rasii vydalili spasyłki na trek Vasi Abłomava, pryśviečany Navalnamu6

U niadzielu nadvorje budzie jašče ništo sabie, a ŭ paniadziełak pachaładaje3

Łaŭroŭ pryhraziŭ Pašynianu: Zajavy Jerevana prymušajuć Rasiju zadumacca pra svaje praktyčnyja kroki7

Polski Kanhres žančyn źviarnuŭsia da palitykaŭ paśla śmierci zhvałtavanaj biełaruski13

U Hruzii zatrymali 10 čałaviek za raspaŭsiud narkotykaŭ. Siarod ich — hramadzianie Biełarusi

bolš čytanych navin
bolš łajkanych navin

U Breście zatrymlivali i eks-mera Rahačuka, i hubiernatara Šulejku

Hałoŭnaje

Dzie ciapier hieroi miemnaha videa BRSM pra vybary-durybary?10

«U nas svaje tradycyi vybaraŭ, jakija sprabavali vytručvać, dośvied z časoŭ Połackaha kniastva» — CVK

«Parabała Łukašenki»: hety artykuł rasijskaha Forbes Kreml prymusiŭ vydalić. Pierakazvajem jaho źmiest43

Kazakievič: Nastupnaj budzie revalucyja TikTok1

Jak prapahandyst Ihar Tur staŭ lubimčykam Łukašenki i kolki zarabiŭ u 2020-m15

«Ja, kali zakryvaju pracoŭny noŭt u piatnicu ŭviečary». Najlepšyja tvity tydnia4

Žyvaja lehienda Minska: što čuvać u žančyny, jakaja šmat hod śpiavaje pra Isusa?16

Mužčynu, jakoha zatrymali paśla viartańnia z Polščy, buduć sudzić za «zdradu dziaržavie»11

Na miažy ź Litvoj paśla zakryćcia dvuch pamiežnych pierachodaŭ sabralisia vialikija čerhi4

«Bolš za paŭtara mietra nichto nie atrymlivaŭ»1

Učora ŚMI paviedamlali pra zatrymańnie byłoha kiraŭnika Bresta. Ale nasamreč jon na voli4

Na fakultetach BDU stvaryli kamisii, jakija ŭziali pad kantrol kadravyja pytańni

Rabotnik Mazyrskaha NPZ zabiŭ siabie praz prablemy na pracy1

Arhanizatary vybaraŭ faktyčna pryznalisia ŭ falsifikacyjach u Minsku. Sačycie za rukami12

Ajcišnik z Kurska sprabuje zarabić na biełarusach, pradajučy im «miortvyja» vakansii4

«Zavierbavać Klimoviča. Kab sačyć za im — zavierbavać Hrabinskaha. Kab sačyć za Hrabinskim — zavierbavać Sierhijeviča»: jak NKVD chacieŭ pastavić zachodniebiełaruskuju intelihiencyju na kaleni4

Usie naviny →