Bińjamin Nietańjachu. Jahony brat Jonatan zahinuŭ u 1976 hodzie pry vyzvaleńni izrailskich zakładnikaŭ rejsa Tel-Aviŭ — Afiny — Paryž va Uhandzie. Fota: Sean Gallup / Getty Images

Bińjamin Nietańjachu. Jahony brat Jonatan zahinuŭ u 1976 hodzie pry vyzvaleńni izrailskich zakładnikaŭ rejsa Tel-Aviŭ — Afiny — Paryž va Uhandzie. Fota: Sean Gallup / Getty Images

Premjer-ministr Izraila Bińjamin Nietańjachu zajaviŭ na pres-kanfierencyi ŭ subotu ŭviečary, što «da hetaha času nie było pahadnieńnia ab vyzvaleńni zakładnikaŭ», dadaŭšy, što «kali nam budzie što skazać, my prainfarmujem vas», piša Haaretz.

Nietańjachu rastłumačyŭ, što pieršaja meta vajny — nanieści parazu CHAMAS, druhaja — viarnuć zakładnikaŭ i treciaja — likvidavać pahrozu z Hazy.

Jon taksama zhadaŭ pra rašeńnie vajennaha kabinieta dazvolić pastaŭki paliva ŭ Hazie ŭ vielmi abmiežavanaj kolkaści, zajaviŭšy, što «humanitarnaja dapamoha taksama nieabchodnaja dla praciahu mižnarodnaj padtrymki. Biez humanitarnaj dapamohi navat našym najlepšym siabram budzie ciažka padtrymlivać nas na praciahu doŭhaha času».

Pa hetaj pryčynie, skazaŭ Nietańjachu, «kali CACHAŁ i Šyn Bet [abo Šabak — Ahulnaja słužba biaśpieki Izraila — NN] sumiesna rekamiendavali Kabinietu ministraŭ pryniać prośbu ZŠA dazvolić abmiežavany ŭjezd dvuch bienzavozaŭ u dzień u paŭdniovuju častku siektara Haza, vajenny kabiniet adnahałosna pahadziŭsia».

Jon dadaŭ, što «heta minimalnaja kolkaść paliva dla pracy vadzianych i kanalizacyjnych pompaŭ, biez čaho my, jak čakajecca, ubačym nieadkładnuju ŭspyšku epidemij. Uspyška epidemij naniasie škodu jak žycharam Hazy, tak i sałdatam CACHAŁ u siektary».

Čytajcie taksama:

CACHAŁ zajaviŭ pra nastup na Hazu z poŭnačy i poŭdnia

Futbalisty Polščy i Izraila sami zładzili chvilinu maŭčańnia pa zahinułych ad CHAMAS

Zialenski zajaviŭ, što z-za vajny ŭ Izraili skaracilisia pastaŭki artyleryjskich snaradaŭ va Ukrainu

Клас
6
Панылы сорам
0
Ха-ха
1
Ого
0
Сумна
2
Абуральна
0