Sandra Tanali. Fota: jaho instahram

Sandra Tanali. Fota: jaho instahram

Italjanskaja fiederacyja futboła dyskvalifikavała paŭabaroncu «Ńjukasła» i zbornaj Italii Sandra Tanali za staŭki na 10 miesiacaŭ. Pra heta paviedamlaje sajt shampionat.com sa spasyłkaj na Football Italia.

Pavodle infarmacyi krynicy, italjanski chaŭbiek staviŭ na matčy «Miłana», kali vystupaŭ za hety kłub. Jon pryznaŭsia, što ciapier u jaho daŭhi na €3 młn.

Kredytory niejak pahražali futbalistu, abiacajučy złamać jamu nohi.

Praz dyskvalifikacyju italjaniec prapuścić astatniuju častku siezona anhlijskaj premjer-lihi, a taksama čempijanat Jeŭropy — 2024, kali zbornaja Italii zmoža prajści kvalifikacyju na hety turnir.

Tanali pierajšoŭ u «Ńjukasł» z «Miłana» ŭ minułaje tranśfiernaje akno za €64 młn. U hetym siezonie jon pravioŭ za brytanski kłub, jaki vystupaje taksama ŭ Lizie čempijonaŭ, 12 matčaŭ va ŭsich turnirach, u jakich adznačyŭsia adnym hołam. Kantrakt hulca ź ciapierašnim kłubam dziejničaje da kanca červienia 2028 hoda. Aryjencirovačny košt futbalista, pa danych internet-partała Transfermarkt, — €60 młn.

Raniej hulec «Juvientusa» Nikoła Fadžoli staŭ pieršym futbalistam, imia jakoha prahučała padčas rasśledavańnia ab staŭkach. Jon užo atrymaŭ siamimiesiačnuju dyskvalifikacyju.

Čytajcie taksama:

Žerar Pikie hrymnuŭsia ŭ dvuchmietrovuju jamu, razmaŭlajučy pa smartfonie

Biełaruś uźniałasia ŭ rejtynhu FIFA. Ciapier u zbornaj 100-je miesca

Biełaruskim sudździam dazvolili pracavać u rasijskaj premjer-lizie

Клас
0
Панылы сорам
0
Ха-ха
0
Ого
2
Сумна
0
Абуральна
0