Andrej Pačobut u sudzie. Fota: BiełTA

Andrej Pačobut u sudzie. Fota: BiełTA

Andrej Pačobut znachodzicca ŭ ŠIZA i nie atrymlivaje nieabchodnych lekaŭ. Pra heta padčas štomiesiačnaj akcyi salidarnaści raspavioŭ vice-staršynia Sajuza palakaŭ Biełarusi Marek Zanieŭski. U razmovie z žurnalistami jon acaniŭ, što stanovišča Pačobuta ŭ kałonii ciažkaje, dziejač pa-raniejšamu znachodzicca ŭ ŠIZA.

«Siamja atrymlivaje ad jaho listy, ale ŭ vielmi abmiežavanaj kolkaści. Ź ich my viedajem, što jon usio jašče znachodzicca ŭ štrafnym izalatary, što jon pa-raniejšamu nie atrymlivaje lekaŭ, jakija jamu nieabchodnyja štodnia. My ŭsialakimi sposabami starajemsia daviedacca bolš i ŭsialak sačyć za situacyjaj», — skazaŭ Zanieŭski.

Andreja Pačobuta zatrymali 25 sakavika 2021 hoda i praz dva hady asudzili da vaśmi hadoŭ kałonii pavodle art. 361 KK (zakliki da dziejańniaŭ, nakiravanych na pryčynieńnie škody nacbiaśpiecy ) i art. 130 KK (raspalvańnie varožaści).

Padtrymajcie palitviaźnia: PK № 1, 211440, Navapołack, Techničnaja, 8, Andrej Stanisłavavič Pačobut.

Čytajcie taksama:

Ci vykarystaje Łukašenka źmienu ŭłady ŭ Polščy, kab pierazahruzić adnosiny z Varšavaj? Pabačym pa adnym prostym kroku

«Dla polskaha naroda jon — hieroj!» Rodnym Andreja Pačobuta ŭručyli miedal 75-hodździa misii Jana Karskaha

Aktyvist SPB: Situacyja z Andrejem Pačobutam vielmi ciažkaja

Клас
0
Панылы сорам
0
Ха-ха
0
Ого
1
Сумна
1
Абуральна
5