Ilustracyjny zdymak. Fota: Contributor Getty Images

Ilustracyjny zdymak. Fota: Contributor Getty Images

Analizavać budziem zhodna z aficyjnymi ličbami Biełstata. Dla adliku hladzim na listapad 2022 hoda, jaki staŭ pieršym poŭnym miesiacam, kali ceny rehulavalisia štučnym čynam. Paraŭnoŭvać budziem ź vieraśniem 2023 hoda, bo heta samyja śviežyja danyja ad Biełstata na hety momant. 

Što stała tańniej?

Zhodna z aficyjnaj statystykaj, ceny ŭpali na takija tavary, jak rys, mannyja i hreckija krupy.

Tak, kiłahram rysu ŭ listapadzie 2022 hoda kaštavaŭ u siarednim pa krainie 4,39 rubla. Ciapier — 3,89 rubla.

Mannyja krupy stracili ŭ canie 22 kapiejki. U vieraśni kiłahram hetaj krupy kaštavaŭ 1,97 rubla, a ŭ listapadzie minułaha hoda — 2,19.

Kudy bolš zaŭvažnaje padzieńnie cany ŭ hreckich krupaŭ. U listapadzie 2022 hoda kiłahram hrečki kaštavaŭ 4,99 rubla, a ŭ sioletnim vieraśni cana źniziłasia da 3,14 rubla.

Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Taksama davoli mocna źnizilisia ceny na mołatuju kavu i čornuju harbatu.

Kiłahram mołataj kavy, pa źviestkach Biełstata, u listapadzie 2022-ha hoda kaštavaŭ 45,03 rubla, a ciapier — 41,12 rubla.

Harbata zhubiła ŭ canie bolš za 15 rubloŭ u pieraliku na kiłahram — z 56,37 rubla da 41,12.

Zhuščonka — etałon stabilnaści

Ceny na zhuščonku za 10 miesiacaŭ amal nie źmianilisia — 3,85 rubla suprać 3,86.

Kiłahram cukru prybaviŭ u siarednim 6 kapiejek. Było 2,55, stała 2,61 rubla.

Pšaničnaja muka za hety ž pieryjad padaražeła na 4 kapiejki z 1,49 rubla da 1,53.

Prykmietna padaražeŭ baton. Dziesiać miesiacaŭ tamu vychodziła 2,85 rubla za kiłahram, ciapier — 3,52 rubla.

Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Žytni chleb taksama padaražeŭ, ale nieistotna — 2,58 i 2,63 rubla adpaviedna.

Kiłahram jałavičyny biez kostki ŭ listapadzie 2022 hoda ŭ siarednim kaštavaŭ 19,03 rubla, a ciapier — 20,51 rubla.

Kiłahram tuški kuraniaci-brojlera taksama prybaviŭ u canie za hetyja 10 miesiacaŭ: 6,08 rubla ŭ vieraśni suprać 5,80 rubla ŭ letašnim listapadzie.

Padaražeła i harełka. U vieraśni hetaha hoda litr kaštavaŭ 22,86 rubla, a ŭ listapadzie 2022-ha — 19,46.

Treba adznačyć, što inflacyja za hety čas zapavoliłasia. Za 9 miesiacaŭ biahučaha hoda jana skłała 3,6%.

Ekanamist BEROC Nastaśsia Łuzhina ŭ kamientary Deutsche Welle kaža, što strohaje rehulavańnie cen sapraŭdy paŭpłyvała na zapavoleńnie inflacyi. Adnak heta ŭ peŭnaj miery adbyłosia b i biez pastanovy biełaruskaha ŭrada, bo ceny na enierhanośbity na suśvietnym rynku istotna źnizilisia, što ŭ 2022-m było asnoŭnym drajvieram inflacyi pa ŭsim śviecie. A da sankcyj vytvorcy i pastaŭščyki paśpieli prystasavacca. Na biełaruski rynak paśla pieraaryjentacyi impartu stali pastupać novyja, bolš tannyja tavary z krain Azii i Afryki, jakija vycieśnili bolš darahija. Praz heta nie zdaryłasia deficytu tavaraŭ.

Čytajcie taksama: 

Biełaruś pastaŭlaje ŭ Rasiju polskija jabłyki ŭ abchod sankcyj. Adbyvajecca heta z dazvołu samich polskich pastaŭščykoŭ

Клас
1
Панылы сорам
1
Ха-ха
9
Ого
3
Сумна
0
Абуральна
4