Alaksiej Iljinčyk. Fota: sacsietki

Alaksiej Iljinčyk. Fota: sacsietki

Alaksieja źmiaścili ŭ nieŭrałahičnaje adździaleńnie respublikanskaj balnicy, jakoje znachodzicca na terytoryi SIZA № 1 h. Minska, piša «Viasna».

Alaksiej — viadomy homielski bard i arhanizatar kancertaŭ bardaŭskaj pieśni. Viasnoj 2022 hoda jon pajechaŭ z hastrolami ŭ Rasiju. Tam u jaho niečakana zdaryŭsia insult. Niekalki miesiacaŭ mužčyna lačyŭsia ŭ špitali, a potym viarnuŭsia dachaty. Adnak stan jaho zastavaŭsia kiepskim i pravaja častka cieła była paralizavanaja.

U červienii 2022-ha Alaksiej Iljinčyk viarnuŭsia ŭ Homiel, a 18 žniŭnia jaho zatrymali.

Adzin z praŭładnych th-kanałaŭ raspavioŭ, što bard zatrymany za kamientary ŭ sacyjalnych sietkach. Nie zvažajučy na kiepski stan zdaroŭja, jaho źmiaścili ŭ SIZA-3 Homiela, abvinavaciŭšy pa 3-ch artykułach Kryminalnaha kodeksa:

  • č. 1 artykuła 130 «Raspalvańnie rasavaj, nacyjanalnaj, relihijnaj ci inšaj sacyjalnaj varožaści abo varažniečy»,
  • č. 2 art. 367 «Paklop u dačynieńni da Łukašenki»,
  • č. 1 art. 368 «Abraza Łukašenki».

28 sakavika 2023 h. sudździa Homielskaha abłasnoha suda Alaksiej Chłyščankoŭ prysudziŭ Iljinčyku 2,5 hoda kałonii. Palitviazień byŭ etapavany ŭ PK № 14, što ŭ vioscy Navasady Barysaŭskaha rajona.

Za čas znachodžańnia ŭ SIZA-3 i ŭ papraŭčaj kałonii zdaroŭje Alaksieja pahoršyłasia.

Pravaja ruka ŭ jaho amal nie dziejničaje, parušana maŭleńnie, tamu havoryć jon ź ciažkaściu. Pisać samastojna listy jon taksama nie moža. Da taho ž, listy jamu pieradajuć nie spraŭna, navat ad svajakoŭ.

Čytajcie taksama:

U Rečycy pačynajecca sud nad Palinaj Šarendaj-Panasiuk. Jaje źbirajucca treci raz pakinuć za kratami

Padtrymajcie palitviaźnia Anatola Puhača, jaki chvareje na ankałohiju

Palitźniavolenuju maci dvaich niepaŭnaletnich dziaciej buduć sudzić pavodle piaci kryminalnych artykułaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?