Etničnyja armianie, uciekačy z Nahornaha Karabacha, vystrojvajucca ŭ čarhu pa humanitarnuju dapamohu ŭ časovym łahiery ŭ Horysie (Siunikskaja vobłaść Armienii). Fota: Vasily Krestyaninov / AP

Etničnyja armianie, uciekačy z Nahornaha Karabacha, vystrojvajucca ŭ čarhu pa humanitarnuju dapamohu ŭ časovym łahiery ŭ Horysie (Siunikskaja vobłaść Armienii). Fota: Vasily Krestyaninov / AP

U Nahornym Karabachu amal nie zastałosia armian, napisaŭ u svaim telehramie były dziaržministr Nahornaha Karabacha Artak Biehłaran.

«Maja nieaficyjnaja infarmacyja. Apošnija hrupy nakiroŭvajucca ŭ Armieniju. U Nahornym Karabachu zastałosia maksimum niekalki sotniaŭ čałaviek, bolšaść ź jakich — čynoŭniki, supracoŭniki ekstrannych słužbaŭ, vałanciory, niekatoryja ludzi z asablivymi patrebami. Jany taksama rychtujucca da adjezdu», — adznačyŭ jon.

Na pačatku 2023 hoda, pavodle acenak uładaŭ niepryznanaj respubliki, tam žyli 120 tysiač čałaviek. Masavy sychod armianaŭ pačaŭsia paśla kapitulacyi armii paŭtara tydni tamu.

Na minułym tydni armija Narodnaha Karabacha kapitulavała, a na hetym prezident niepryznanaj respubliki padpisaŭ ukaz ab spynieńni dziejnaści instytutaŭ NKR z 1 studzienia 2024 hoda.

Čytajcie taksama:

Eks-kiraŭnika Nahornaha Karabacha aryštavali pa abvinavačańni ŭ finansavańni teraryzmu

Prezident Nahornaha Karabacha padpisaŭ ukaz ab spynieńni isnavańnia respubliki

Mafijoznyja schiemy i pryviazanaść da Rasii. Jak Nahorny Karabach staŭ šeraj zonaj armianskaj palityki i što budzie ciapier

Što takoje Nahorny Karabach i što armianie z azierbajdžancami tam dzielać

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?