Fota: sajt Bi-bi-si
Na poŭnačy Anhlii palicyja aryštavała 16-hadovaha padletka pa padazreńni ŭ źniščeńni trochsothadovaha klona, jaki nazyvali «drevam Robin Huda», piša Bi-bi-si.
Pavodle źviestak palicyi, ciapier padletak znachodzicca pad vartaj i dapamahaje aficeram u rasśledavańni. Palicyja padazraje, što heta byŭ naŭmysny akt vandalizmu. Palicejskija, jak i nahladčyki parku, jakija prybyli da śsiečanaha klona, ličać, što «dreva pa-majstersku zrezaŭ bienzapiłoj čałaviek, jaki viedaŭ, što robić».
Adnak palicyja zaklikaje nie rabić zaŭčasnych vysnoŭ: rasśledavańnie tolki pačałosia.
Staražytny klon ros u miastečku Sikamor-Hep i staŭ viadomy paśla vychadu ŭ 1991 hodzie filma «Robin Hud: Prync zładziejaŭ» z Kievinam Kostnieram i Ałanam Rykmanam u hałoŭnych rolach. Kostnier syhraŭ Robin Huda, a Ałan Rykman — šeryfa z Notynhiema.
Pradstaŭnik palicyi Kievin Uorynh nazvaŭ zahublenaje dreva «suśvietna viadomaj słavutaściu». Pavodle jaho słoŭ, hetaja strata adhuknułasia «horam i hnievam» u sercach mnohich ludziej. Miascovaja žycharka skazała, što heta padobna da «kradziažu radaści».
Vielizarny bieły klon (javar) niekalki stahodździaŭ ros u nievialikaj łahčynie «Sikamor-Hep» (dasłoŭna nazva pierakładajecca jak «łahčyna Sikamory» — tak u Anhlii nazyvajuć biełyja klony). Łahčyna pierasiakaje pomnik rymskaha pieryjadu ŭ historyi Brytanskich astravoŭ — Vał, abo Ścianu Adryjana.
Kala dreva pakidali pamiatnyja kamieńčyki z nadpisami, raźviejvali prach darahich ludziej, rabili prapanovy i ładzili siamiejnyja pikniki. Mer Džejms Dryskała, jaki kiruje tryma hrafstvami na poŭnač ad raki Tajn, skazaŭ: «Jano było častkaj našaj kalektyŭnaj dušy».
Čytajcie taksama:
Pamior akcior Majkł Hemban, viadomy pa roli Dambłdara
U Łatvii rekanstrujavali aŭtamabil z kultavaha savieckaha bajevika
«Ašałamlaje». Krytyki ŭ zachapleńni ad «Dzikaha palavańnia karala Stacha»
