Juryj Haraŭski staranna chavaŭ svoj tvar padčas suda. Fota: «Novy čas»

 Juryj Haraŭski staranna chavaŭ svoj tvar padčas suda. Fota: «Novy čas»

Haraŭskaha sudzili ŭ miežach univiersalnaj jurysdykcyi ŭ Šviejcaryi.

Byłoha śpiecnazaŭca abvinavačvali ŭ vykradańni eks-ministra MUS Biełarusi Juryja Zacharanki, eks-staršyni CVK Viktara Hančara i biznesoŭca Anatola Krasoŭskaha.

Šviejcarskaje zakanadaŭstva nie dazvalała pryciahnuć Haraŭskaha da adkaznaści pa bolš surjoznym kryminalnym artykule — za zabojstvy ci saŭdzieł u ich, bo imaviernyja raspravy nad apanientami režymu adbyvalisia na terytoryi Biełarusi. Tamu sudzili eks-siłavika za datyčnaść da «šmatlikich vypadkaŭ źniknieńnia».

Jak paviedamlaje Deutsche Welle, Akruhovy sud Roršacha apraŭdaŭ Juryja Haraŭskaha pa abodvuch pradjaŭlenych jamu abvinavačvańniach — hvałtoŭnym źniknieńni ludziej i ŭviadzieńni pravasudździa ŭ zman.

Hramadzianski pazoŭ Aleny Zacharanki i Valeryja Krasoŭskaha na 200 tysiač šviejcarskich frankaŭ budzie pieranakiravany ŭ hramadzianski sud. Sudovyja vydatki na sumu ŭ amal 45 tysiač frankaŭ pakryje dziaržava.

Tłumačačy prysud, sudździa zajaviŭ, što heta asablivy vypadak, u jakim «zamiašanaja ŭłada, i jana adkaznaja za hvałtoŭnyja źniknieńni».

«Hetyja fakty nie pavinny vyklikać sumnieńniaŭ. Ale na dopycie abvinavačany zabłytaŭsia ŭ supiarečnaściach i ŭchilaŭsia ad adkazu», — rastłumačyŭ svajo rašeńnie sudździa.

Jon paličyŭ, što niekatoryja z pakazańniaŭ Haraŭski prydumaŭ. Tamu sud pryjšoŭ da vysnovy, što Juryj Haraŭski, mahčyma, słužyŭ u SACHRy, ale jahonaja rola ŭ vykradańniach zastajecca niezrazumiełaj. «Mahčyma, jon čuŭ pra heta ad kaleh», — pieradaje słovy sudździ karespandentka DW.

Juryj Haraŭski pry ŭvachodzie ŭ sud. Fota: «Novy čas»

Juryj Haraŭski pry ŭvachodzie ŭ sud. Fota: «Novy čas»

Karespandentka vydańnia «Novy čas» pasprabavała paśla prysudu parazmaŭlać z samim Juryjem Haraŭskim.

«Ci škadujecie vy ab tym, što brali ŭdzieł u vykradańniach apazicyjnych palitykaŭ? Ci razumieli vy, bieručy ŭdzieł u hetych śpiecapieracyjach, što heta palityčnyja spravy? Jak Paŭličenka tłumačyŭ vam nieabchodnaść zatrymańnia Zacharanki, Hančara i Krasoŭskaha?» — zapytałasia jana.

Adnak Haraŭski nie adkazaŭ ni na adno pytańnie, nasunuŭšy kapiušon na hałavu. Vyhladaŭ jon, jak adznačyła žurnalistka, vielmi padaŭlenym.

Advakatka Haraŭskaha ŭ razmovie z žurnalistami paviedamiła, što jaje bok zadavoleny takim rašeńniem suda.

Advakatka Juryja Haraŭskaha razmaŭlaje z žurnalistami. Fota: «Novy čas»

Advakatka Juryja Haraŭskaha razmaŭlaje z žurnalistami. Fota: «Novy čas»

Čytajcie taksama pa temie:

«Baćka nie adrazu raspaznaŭ, chto taki Łukašenka». Dačka Juryja Zacharanki pra zdradu siabroŭ, praces Haraŭskaha. I pra bol žyćcia

BiełTA padmanvaje, što Haraŭskaha ŭ Šviejcaryi sudziać za samaabhavor

U Šviejcaryi skončyŭsia sud nad byłym bajcom «eskadrona śmierci» Haraŭskim

Prakuror zaprasiŭ dla eks-śpiecnazaŭca pa spravie źnikłych apanientaŭ Łukašenki 3 hady źniavoleńnia

«Kali vam stała zrazumieła, što Zacharanku źbirajucca zabić?» — «Kali Paŭličenka streliŭ u jaho». Haraŭski daje pakazańni

Клас
6
Панылы сорам
29
Ха-ха
6
Ого
8
Сумна
4
Абуральна
47