Raman Abramovič. Fota: AP

Raman Abramovič. Fota: AP

Infarmacyi pra kalekcyju karcin aliharcha Ramana Abramoviča i jahonaj byłoj žonki Darji Žukavaj było nie vielmi šmat. Žurnalisty viedali tolki niekatoryja fakty (tak, naprykład, u 2013 hodzie jany nabyli sieryju tvoraŭ Illi Kabakova — samaha darahoha z sučasnych rasijskich žyvapiscaŭ). Adnak, dziakujučy źlivu fajłaŭ afšornaha kiprskaha biznes-rehistratara MeritServus, vydańniu The Guardian stała viadoma pra vialikuju tajemnuju kalekcyju, jakaja «mahła b stać sapraŭdnym muziejem».

Žurnalisty The Guardian vyśvietlili, što tolki ŭ 2018 hodzie Abramoviču naležała 369 pradmietaŭ mastactva ahulnym koštam u 962 miljony dalaraŭ. Siarod aŭtaraŭ karcin sustrakajucca takija proźviščy, jak Malevič, Pikasa, Bekan, Frejd, Mane, Mahryt i inšyja.

Samy darahi elemient kalekcyi — «Trypcich» Frensisa Bekana, napisany ŭ 1976 hodzie. Abramovičy nabyli jaho ŭ 2008 hodzie na aŭkcyjonie Sotheby's. Acenačny košt karciny ŭ źlitych afšornych dakumientach — 86,3 miljona dalaraŭ.

«Trypcich», Frensis Bekan, 1976. Fota: Wikimedia Commons

«Trypcich», Frensis Bekan, 1976. Fota: Wikimedia Commons

Akramia «Trypcicha» ŭ pryvatnym «muziei» aliharcha možna sustreć takija karciny, jak: 

  • «Plaž u Truvile» Kłoda Mane amal za 16 miljonaŭ dalaraŭ;
  • «Śpiačaja sacyjalnaja rabotnica» Luśjena Frejda za 33,6 miljona dalaraŭ;
  • «Suprematyčnaja kampazicyja» Kazimira Maleviča, čyj košt aceńvajecca ŭ 54,6 miljona dalaraŭ.

Karcina Maleviča, darečy, była vystaŭlena na aŭkcyjon u 2000 hodzie, dzie nieviadomy nabyŭ jaje za 17 miljonaŭ dalaraŭ, a z fajłaŭ MeritServus viadoma, što ŭ 2013 hodzie karcina ŭžo naležała Abramoviču.

Sama tajemnaja kalekcyja karcin była zapisanaja na zasnavanuju na Brytanskich Virhinskich astravach kampaniju Seline-Invest, jakaja ŭ svaju čarhu kantralujecca kiprskim trastam Ermis Trust Settlement, čyim adzinym bienificyjaram paśla zasnavańnia ŭ 2010 hodzie byŭ sam Raman Abramovič.

Kalekcyju mastactva zachodnija sankcyi pakul nie zakranuli, bo asnoŭnaja dola majomaści naležyć mienavita byłoj žoncy miljardera Darji Žukavaj.

Tym nie mienš pahroza ŭsio jašče zastajecca. U ciapierašni čas ukrainskija ŭłady składajuć śpis tvoraŭ mastactva, jakija naležać aliharcham z atačeńnia Pucina. Jany płanujuć kanfiskavać karciny, pradać ich, a atrymanyja hrošy nakiravać na adnaŭleńnie Ukrainy.

Čytajcie taksama:

Padčas vajny Pucin zakłapočany novaj jachtaj. U hetym jamu nasustrač iduć jeŭrapiejcy FOTY

Minfin ZŠA: Rasijskija aliharchi viedali pra datu ŭvarvańnia i kinulisia pierapisvać svaje aktyvy na svajakoŭ

«Tak, heta vialikaja pamyłka, ale vyśviatlać, chto vinavaty, a chto nie, — vielmi niebiaśpiečna». Najbahaciejšy rasijanin, jaki rodam ź Biełarusi, pasprabavaŭ apraŭdacca za vajnu

Клас
11
Панылы сорам
12
Ха-ха
7
Ого
8
Сумна
0
Абуральна
14