Azierbajdžan 19 vieraśnia abviaściŭ, što pačaŭ tak zvanuju «antyterarystyčnuju apieracyju», nacelenuju na pazicyi armianskich vajskoŭcaŭ u rehijonie Nahornaha Karabacha. Fota: Defense Ministry of Azerbaijan via AP

Azierbajdžan 19 vieraśnia abviaściŭ, što pačaŭ tak zvanuju «antyterarystyčnuju apieracyju», nacelenuju na pazicyi armianskich vajskoŭcaŭ u rehijonie Nahornaha Karabacha. Fota: Defense Ministry of Azerbaijan via AP

Ułady niepryznanaha Nahornaha Karabacha pryniali rašeńnie ab spynieńni ahniu, havorycca ŭ zajavie infarmacyjnaha centra niepryznanaj respubliki.

«Na praciahu dvuch dzion zaciatych bajoŭ padraździaleńni Uzbrojenych sił Arcacha hieraična abaranialisia ad praciŭnika, jaki pieraŭzychodziŭ u niekalki razoŭ u žyvoj sile i vajskovaj technicy, naniosšy jamu vialikija straty. Na žal, arcachski bok taksama maje straty i paranienych, a na niekatorych učastkach praciŭniku ŭdałosia prarvacca da bajavych pazicyj sił abarony, uziać pad svoj kantrol šerah vyšyń i stratehičnych vuzłoŭ daroh», — havorycca ŭ zajavie.

U suviazi z hetym ułady Karabacha «prymajuć prapanovu kamandavańnia rasijskaj miratvorčaj misii adnosna spynieńnia ahniu».

Bajavyja dziejańni pavinny być spynienyja a 13:00 20 vieraśnia.

Taksama ŭ zajavie havorycca ab poŭnym razzbrajeńni armii Karabacha i vyvadzie ciažkaj techniki z terytoryi niepryznanaj respubliki.

Pytańni z azierbajdžanskim bokam ab «reintehracyi» i zabieśpiačeńni pravoŭ i biaśpieki armian Nahornaha Karabacha buduć abmiarkoŭvacca na sustrečy 21 vieraśnia. Jana projdzie ŭ azierbajdžanskim Jeŭłachu, a nie na niejtralnaj terytoryi.

Harantyi biaśpieki Nahornamu Karabachu davała Rasija, ale rasijskija miratvorcy, raźmieščanyja ŭ rehijonie, nie adreahavali na dziejańni azierbajdžanskich vojskaŭ. Armienija, jakaja zrabiła staŭku na Rasiju jašče ŭ 1990-ja, płacić vysokuju canu. Pa ŭsioj imaviernaści, 120 tysiač armian Arcacha (Nahornaha Karabacha) buduć vymušanyja pakinuć svaju ziamlu, jakuju jany zasialali spradvieku. Zhodna z administratyŭnym dzialeńniem SSSR hetyja ziemli ŭvajšli ŭ skład Azierbajdžanskaj SSR, bo ad Armienii ich adździalała pałasa terytoryj, zasielenych azierbajdžancami. Tamu de-jure, a ciapier i de-fakta suvierenitet nad Nahornym Karabacham maje Baku.

Razam z hetym mianiajecca hieapalityčnaja situacyja na Kaŭkazie, što adlustroŭvaje asłableńnie Rasii.

Čytajcie taksama:

Azierbajdžan pačaŭ nastup na Nahorny Karabach

«Heta vielmi ŭraźlivaja madel». Pašynian zajaviŭ, što Armienija bolš nie moža spadziavacca na Rasiju

Pucin: Kali Armienija pryznała, što Karabach — častka Azierbajdžana, to pra što razmova?

Клас
29
Панылы сорам
1
Ха-ха
4
Ого
8
Сумна
23
Абуральна
7