Voŭk kaža, što jamu tak «chočacca vykazacca, prosta, blin, kipić usio ŭnutry», tamu jon rašyŭsia vykłaści svoj zapis u internet.

Mužčyna miarkuje, što siońnia adznačajuć śviata, jakoje ŭziata ci to ź niabiosaŭ, ci to sa stoli.

«Blin, nu, tak ja vam skažu. Jakoje nachran adzinstva, kali kiraŭnictva žyvie svaim žyćciom, a zvyčajnyja rabaciahi žyvuć svaim žyćciom. Prychodziš da dyrektara niešta spytać — nakont žyćcia, pracy. Jon kaža… Viedajecie, što kaža? — «Nie padabajecca, vuń — varoty, da pabačeńnia». Voś i ŭsio narodnaje adzinstva».

Mužčyna kaža, što jość jašče śviaty, pra jakija možna «mnoha raspavieści», ale heta — adno ź ich.

Heta karotkaja i prostaja pramova pad nazvaj «Praŭda-matka» vyklikała šmat kamientaroŭ: adny padtrymlivajuć čałavieka, inšyja aburajucca: maŭlaŭ, dumaj, što havoryš.

Vidavočna, što mužčyna całkam daloki ad palityki. U jaho akaŭncie — prostyja roliki: zastolle, karaokie, chatniaja haspadarka, rybałka.

Ale i daloki ad palityki čałaviek razumieje, što navat za słovy pra imitacyju adzinstva jaho mohuć zvolnić. «Moža, u paniadziełak užo maja pracoŭnaja [knižka] budzie lažać na stale», — kaža jon, ale spadziajecca, što hetaha nie zdarycca.

Čytajcie taksama:

Pačaŭsia novy «patryjatyčny» fłešmob. Ad ludziej patrabujuć tvary

Valeryj Załužny adkryŭ čelendž u Čačersku

«Rasijanin ź biełaruskaj dušoj» śpiavaje pra luboŭ da Biełarusi ź Viktoryjaj Aleška

U «Skorinovskich dniej v Połockie» ŭžo navat i łahatyp pa-rasiejsku

Клас
109
Панылы сорам
7
Ха-ха
7
Ого
5
Сумна
7
Абуральна
6