Andrejeŭka. Fota Evgeniy Maloletka / AP

Andrejeŭka. Fota Evgeniy Maloletka / AP

Jašče 20 maja rasijskija ŭłady zajavili, što Bachmut całkam uziaty. Adnak ukrainskaje vajskovaje kamandavańnie raspaŭsiudziła ŭłasnuju zajavu. Kamandujučy Uschodniaj hrupoŭkaj vojskaŭ hienierał Alaksandr Syrski sprahnazavaŭ, što rasiejcy tut «patrapiać u pastku», nahadvaje Bi-bi-si.

Reč u tym, što ŭ siaredzinie maja USU pačali aktyŭny ruch na fłanhach Bachmuta — z metaj uziać rasijski harnizon u apieratyŭnaje akružeńnie. Najvažniejšy ŭčastak tut prachodzić pobač ź siołami Klaščejeŭka, Andrejeŭka i Kurdziumaŭka. Jany lažać pobač z čyhunkaj i aŭtadarohaj (T0513), jakaja złučaje Bachmut z akupavanaj Horłaŭkaj.

Heta pryncypovaja łahistyčnaja arteryja dla rasijskich vojskaŭ. Jaje pierarazańnie pastavić vojska RF u vielmi ciažkaje stanovišča ŭ Bachmucie i susiednim Saladary.

Ułasna, adnosna biaśpiečnaj u takim vypadku zastajecca tolki adna trasa — na miastečka Papasnaja. Ale kali paśla vyzvaleńnia Klaščejeŭki, Andrejeŭki i Kurdziumaŭki ŭkrainskija siły praciahnuć ruch na ŭschod, to całkam imavierna, što voźmuć jaje pad ahniavy kantrol.

Tady rasijskija vajskoŭcy buduć vymušanyja terminova vyvodzić svaje vojski z Bachmuta, kab nie patrapić u poŭnaje akružeńnie.

Ułasna, mienavita kala Andrejeŭki bajcam USU i ŭdałosia ŭ siaredzinie lipienia prarvać abarončyja paradki praciŭnika i pierasiekčy kanał Sievierski Daniec — Danbas.

Tak jany stvaryli płacdarm na jaho ŭschodnim bierazie, a zatym ukrainskija vajskoŭcy pačali pastupova vyciaśniać rasijskija siły z terytoryi pamiž Klaščejeŭkaj i Andrejeŭkaj.

Vojski RF sprabavali kontratakavać, ale ŭsie sproby paciarpieli niaŭdaču.

Čytajcie taksama:

Ukrainski hienštab paćvierdziŭ uziaćcie Andrejeŭki

Ukrainskija vojski vyzvalili Andrejeŭku kala Bachmuta — Malar

Ukrainski Hienštab: USU vyzvalili niekalki siołaŭ na Danbasie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?