Fota: vdobrushe.by

Fota: vdobrushe.by

Dla atrymańnia chabaru za svoječasovuju adhruzku pradukcyi i vyrašeńnie inšych pytańniaŭ kiraŭnik pradpryjemstva vykarystaŭ svajho brata. Zatrymańnie adbyłosia ŭ momant, kali atrymanyja bratam hrošy byli pieradadzienyja niepasredna dyrektaru pradpryjemstva.

Pa słovach apieratyŭnikaŭ, pradstaŭnik kamiercyjnaj struktury pieradaŭ bratam 155 tys. rasijskich rubloŭ i 33,5 tys. biełaruskich, što adpaviadaje chabaru ŭ bujnym pamiery.

Z apieratyŭnaj zdymki vynikaje, što na momant zatrymańnia sumy chabaru ŭžo byli raźmierkavanyja pamiž zmoŭcami.

Kadr z apieratyŭnaj zdymki zatrymańnia słužbovaj asoby Dobrušskaha farforavaha zavoda

Kadr z apieratyŭnaj zdymki zatrymańnia słužbovaj asoby Dobrušskaha farforavaha zavoda

Atrymańnie chabaru ŭ rasijskich rublach moža śviedčyć ab tym, što srodki za spryjalnaje raźviazańnie pytańniaŭ pieradavalisia rasijskaj kamiercyjnaj strukturaj.

«Fłahštok» źviarnuŭsia ŭ pryjomnuju ZAT «Dobrušski farforavy zavod» z prośbaj źviazacca z dyrektaram Vinakuravym. «Pahladzicie zvodku MUS!», — adkazaŭ uschvalavany sakratar dziaržpradpryjemstva.

Akramia kiraŭnictva Dobrušskim farforavym zavodam Alaksandr Vinakuraŭ źjaŭlajecca deputatam Dobrušskaha rajonnaha savieta deputataŭ. U 2021 hodzie jon byŭ delehatam šostaha UNS ad Homielskaj vobłaści.

Publikacyja na sajcie haziety «Dobrušski kraj», pryśviečanaja vyłučeńniu Alaksandra Vinakurava delehatam UNS

Publikacyja na sajcie haziety «Dobrušski kraj», pryśviečanaja vyłučeńniu Alaksandra Vinakurava delehatam UNS

Z dekłaracyi ab majomaści Alaksandra Vinakurava, apublikavanaj padčas vybarčaj kampanii 2018 hoda, vynikaje što hadavy dachod kiraŭnika składaŭ tady kala 13,5 tys. dalaraŭ. 

Čytajcie taksama:

Kiraŭnik Dobrušskaha rajona vyratavaŭ chłopčyka, jaki tanuŭ u viry na Ipuci, dobraj paradaj 

Da šaści z pałovaj hadoŭ kałonii prysudzili byłoha staršyniu Chocimskaha rajvykankama

«Bananavy karol» Zacharaŭ zarubiŭsia z DFR i šle Kačanavaj pakajannyja listy, nazyvajučy apazicyju «žopazicyjaj» 

Клас
1
Панылы сорам
2
Ха-ха
7
Ого
0
Сумна
0
Абуральна
0