Fota: vg-gazeta.by

Fota: vg-gazeta.by

«Hety art-abjekt byŭ stvorany pa matyvach knihi «Niabiesnyja biehi», aŭtar jakoj — naš znakamity ziamlak, mastak, piśmieńnik Jazep Drazdovič. Darečy kažučy, sioleta jamu spaŭniajecca 135 hadoŭ», — piša rajonnaja hazieta «Vieśnik Hłyboččyny».

Admietnaj rysaj Jazepa Drazdoviča było zachapleńnie kosmasam. U 1931 hodzie jon vydaŭ u Vilni na biełaruskaj movie knihu pa astranomii «Niabiesnyja biehi», u jakoj vykłaŭ šerah svaich teoryj, u pryvatnaści, pra pachodžańnie płaniet Soniečnaj sistemy. Vydańnie ŭpryhožyli ŭłasnyja rysunki aŭtara. U 1931—1933 hady Drazdovič praciahnuŭ temu kosmasu tryma sieryjami hrafičnych malunkaŭ i žyvapisnych pałotnaŭ — «Žyćcio na Marsie», «Žyćcio na Saturnie» i «Žyćcio na Miesiacy».

Murał na centralnaj płoščy Hłubokaha kala kramy «Jeŭraopt» stvaryli vykładčyki i vučni miascovaj mastackaj škoły, jakaja nosić imia Jazepa Drazdoviča, — heta zornaje nieba z płanietami Soniečnaj sistemy. Adkryćcio murała pieratvaryłasia ŭ svojeasablivy pierformans: kožny achvotny moh damalavać «na niebie» ŭłasnuju zorku.

Fota: vg-gazeta.by

Fota: vg-gazeta.by

Zvarot da spadčyny znakamitaha ziemlaka — budučy mastak naradziŭsia ŭ 1888 hodzie ŭ vioscy Puńki na Hłyboččynie — vyhladaje vielmi nietypova ŭ paraŭnańni ź inšymi murałami na Viciebščynie: u Šumilinie, Połacku, Rasonach, Aśviei i Miorach.

Pieršym byŭ adčynieny murał u Šumilinie. Nazva malunka — «Serca ŭ dałoniach».

Fota: t.me / iniciativavo

Fota: t.me / iniciativavo

Nastupnym adkryli murał «Abšar paloŭ» u Połacku. Malunak źjaviŭsia na žalezabietonnaj kanstrukcyi transpartnaha mosta (dakładniej, pad mostam) u rajonie vulicy Kasmanaŭtaŭ. Aŭtarka eskiza — navučenka Połackaha ekanamičnaha kaledža Jana Siadłoŭskaja, jana ž i namalavała murał.

Fota: t.me / iniciativavo

Fota: t.me / iniciativavo

U Rasonach murał z vasilkami, kałasami i hałubami źjaviŭsia na ścianie transfarmatarnaj padstancyi. Jaho stvaryła piedahoh Rasonskaha centra dziaciej i moładzi Nastaśsia Niamyćkava.

Fota: t.me / iniciativavo

Fota: t.me / iniciativavo

Dziciačy malunak pieranieśli na ścianu ŭ Aśviei. Kancert padčas adkryćcia dali miascovyja školniki.

Fota: t.me / iniciativavo

Fota: t.me / iniciativavo

U Miorach prymityŭny malunak źjaviŭsia na ścianie byłoha kinateatra: hołub, kałasy i čyrvona-zialonaje serca.

Fota: t.me / iniciativavo

Fota: t.me / iniciativavo

U Loźnie prosty malunak raźmiaścili na transfarmatarnaj padstancyi.

Fota: lioznonews.by

Fota: lioznonews.by

Клас
3
Панылы сорам
6
Ха-ха
0
Ого
1
Сумна
0
Абуральна
0