Fota: gorod214

Fota: gorod214

Nahadajem, što raniej archieołahi znajšli šmat materyjałaŭ, jakija stali padćviardžeńniem isnavańnia na hetym miescy bujnoj vytvorčaści pa apracoŭcy kalarovych mietałaŭ — tak zvanaha kvartała juvieliraŭ.

Fota: gorod214

Fota: gorod214

A dniami ŭ juvielirnaj majsterni byŭ znojdzieny skarb miednych vizantyjskich folisaŭ. Heta staražytnyja maniety, adčakanienyja na miažy X—XI stst., jakija patrapili ŭ Połack u XI stahodździ. Haspadar schavaŭ ich pad piečkaj-kamienkaj, dzie płavili kalarovyja mietały.

Dźvie maniety znachodziacca ŭ dobrym stanie, na adnym baku pračytvajecca nadpis-lehienda, na druhim — abličča praviciela-impieratara. Papiarednie navukoŭcy miarkujuć, što heta Vasil II Bałharabojca, pry jakim padtrymlivalisia ciesnyja suviazi Kijeŭskaj Rusi i Vizantyjskaj impieryi.

Fota: gorod214

Fota: gorod214

Paškodžanyja maniety ŭžo nakiravanyja na restaŭracyju ŭ muziej-zapaviednik.

Unikalnaść znachodki ŭ tym, što raniej u Biełarusi, jak patłumačyŭ Alaksiej Koc, u miežach archieałahičnych raskopak vizantyjskich skarbaŭ nie znachodzili. Adzinkavyja maniety byli, a ŭ składzie kalekcyi jany trapilisia ŭpieršyniu.

Fota: gorod214

Fota: gorod214

Jašče adzin kaštoŭny artefakt — frahmient padvieski ŭ vyhladzie siakierki, što słužyła abiareham dla vajara. Na siakiercy napajana ptušačka. Znachodka datujecca XI—XII stahodździami i raniej padobnych prykładaŭ na terytoryi krainy zusim nie sustrakałasia. Nasić takija redkija statusnyja rečy mahli tolki vajary vysokaha ranhu.

Fota: gorod214

Fota: gorod214

Redkimi źjaŭlajucca taksama frahmienty falšyvych dyrchiemaŭ, jakija nie zavozilisia z Arabskaha chalifata, a vypłaŭlalisia niepasredna na miescy. Cikava, što ŭ 1980-ja hady archieołah Siarhiej Tarasaŭ znajšoŭ padčas raskopak u Połacku liciejnuju formu dla vyrabu takich maniet.

Fota: gorod214

Fota: gorod214

Čytajcie taksama:

Archieałahičny kompleks na Miency abiacajuć zrabić novym brendam Biełarusi

U Połacku padčas raskopak na stadyjonie znajšli staražytny «kvartał juvieliraŭ»

U viežy Hiedymina Lidskaha zamka adkryłasia archieałahičnaja vystava

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?