Akramia taho, supołka paviedamlaje:

«My atrymali dakumienty BTČK, jakija śviedčać ab ich supracoŭnictvie z karnymi strukturami i pasłuhačami Łukašenki, a taksama niezakonnym vyvazie dziaciej z akupavanych terytoryj Ukrainy».

Skryny hetych dakumientaŭ z apisańniami «Kibierpartyzany» prapanujuć hladzieć na svaim sajcie.

Pradstaŭnictva Čyrvonaha Kryža ŭ Biełarusi — całkam praŭładnaja arhanizacyja, jakaja biezahavoračna padtrymlivaje režym Łukašenki va ŭsich jaho dziejańniach jak na słovach, tak i na spravie. Členaŭ hetaj arhanizacyi, naprykład, zaŭsiody ŭklučajuć u skład vybarčych kamisij, i jany aktyŭna ŭdzielničajuć u falsifikacyi vybaraŭ roznaha ŭzroŭniu. Dziejnaść arhanizacyi zusim nie adpaviadaje takim zajaŭlenym pryncypam, jak niezaležnaść, niejtralnaść, biesstaronnaść i dobraachvotnaść.

Paśla pačatku poŭnamaštabnaj vajny Rasii z Ukrainaj Biełaruskaje tavarystva Čyrvonaha Kryža aktyŭna ŭdzielničała ŭ vyvazie ŭkrainskich dziaciej z akupavanych terytoryj na terytoryju Biełarusi, hienieralny sakratar BTČK Dźmitryj Šaŭcoŭ asabista naviedvaŭ Danbas, majučy na svaim adzieńni simvał rasijskaj ahresii — łacinskuju litaru Z. Akramia taho, kiraŭnictva arhanizacyi nieadnarazova publična vykazvałasia ŭ padtrymku raźmiaščeńnia na terytoryi Biełarusi rasijskaj jadziernaj zbroi.

U toj ža čas prablemy parušeńnia pravoŭ čałavieka ŭ Biełarusi kiraŭnictva arhanizacyi zusim nie cikaviać, nie robiać jany i sprob palepšyć stanovišča palitźniavolenych u turmach režymu Łukašenki.

Čytajcie taksama:

Biełaruski Čyrvony Kryž mohuć vyklučyć ź Mižnarodnaj fiederacyi — Łatuška

«Čyrvony Kryž u Biełarusi — heta nijaki nie niejtralitet». Byłyja vałanciory arhanizacyi raskazali, jak situacyja ŭ joj vyhladaje znutry

Hienprakuratura Ukrainy pačała rasśledavańnie datyčnaści Biełaruskaha Čyrvonaha Kryža da vyvazu dziaciej

Ci mohuć Biełaruski Čyrvony Kryž vyklučyć ź mižnarodnaj arhanizacyi?

«A my heta kankretna možam zrabić» — Šaŭcoŭ z Čyrvonaha Kryža pra jadziernuju zbroju

Mižnarodny Čyrvony Kryž adchryściŭsia ad pajezdak Šaŭcova na Danbas

Kiraŭnik Biełaruskaha Čyrvonaha Kryža, jaki zaśviaciŭsia z Z-simvolikaj, raskazaŭ, što robić na Danbasie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?