Dzianis Ivašyn

Dzianis Ivašyn

Akazałasia, dva ružancy zabrali ŭ turmie №1 Hrodna. Pieršy zabrali padčas pieratrusu ŭ kamiery — biez tłumačeńniaŭ, paviedamlaje telehram-kanał «Pravo imiejut».

Dzianis paskardziŭsia na heta i zapatrabavaŭ viarnuć jaho. 

«Paśla skarhi Dzianisa i patrabavańnia viarnuć jamu reč dziela malitvaŭ turemny psichołah niaŭciamna marmytaŭ niešta pra toje, što hetaja reč padobnaja da toj, jakoj karystajucca byvałyja «zeki», što najaŭnaść ružanca ŭ Dzianisa moža vyklikać… zajzdraść u inšych viaźniaŭ, što moža spravakavać kanflikty. Cikava, a dla čaho tady isnujuć roznyja psichołahi dy achoŭniki ŭ takich ustanovach? Vyhladaje, što pytańnie jość rytaryčnym, a adhavorki administracyi turmy №1 — śmiešnymi», — napisała žonka palitźniavolenaha Volha Ivašyna.

Ružaniec viarnuli siamji paśla pieravodu Dzianisa ŭ Mahiloŭ. Ale Ivašyn znoŭ viarnuŭsia ŭ Hrodna, kab pačuć rašeńnie Viarchoŭnaha suda pa jaho apielacyjnaj skarzie. Tady kanvairy etapu zabrali ŭ jaho druhi ružaniec. Jaho nie viarnuli navat blizkim. Los jaho nieviadomy.

Dzianisa Ivašyna zatrymali 12 sakavika 2021 hoda. U žniŭni 2022 hoda jaho asudzili da 13 hadoŭ i 1 miesiaca kałonii va ŭmovach uzmocnienaha režymu. Jaho pryznali vinavatym u «zdradzie dziaržavie». 

Čytajcie taksama:

Žurnalista Dzianisa Ivašyna tajemna sudzili ŭ kałonii

«Jak zvyčajna, aptymistyčny i bajavy». Palitviazień Ivašyn patelefanavaŭ žoncy

Palitviaźnia Dzianisa Ivašyna pieraviali na strohi režym

Клас
1
Панылы сорам
1
Ха-ха
1
Ого
0
Сумна
1
Абуральна
29