Videaapieratara-fryłansiera Viačasłava Łazarava i jahonuju žonku Taćcianu Pyćko abvinavačvajuć u supracy z telekanałam «Biełsat», piša «Viasna».

U SK trapiŭ archiŭ videaapieratara, što zachoŭvaŭsia na jahonych kampjutarach i ŭ telefonie. Tam znajšlisia videazdymki, na jakich prysutničała jaho žonka Taćciana Pyćko. Na dumku śledstva, takim čynam jana ŭdzielničała ŭ dziejnaści ekstremisckaha farmiravańnia.

Spravu razhladaje Viciebski abłasny sud, sudździa — Jaŭhien Burunoŭ. Sudovy praces idzie ŭ zakrytym režymie. 

Viačasłava Łazarava zatrymali ŭ lutym paśla pieratrusu. Paźniej stała viadoma, što jamu vystavili abvinavačańnie pavodle art. 361-4 KK (sadziejničańnie ekstremisckaj dziejnaści). 6 červienia zatrymali Taćcianu. Paźniej stała viadoma, što jaje vinavaciać u stvareńni ekstremisckaha farmiravańnia abo ŭdziele ŭ im (art. 361-1 KK).

Dačku Taćciany i Viačasłava, jakoj dniami spoŭniŭsia hod i adzin miesiac, adrazu nakiravali ŭ dziciačy špital — tak robicca ŭ tych vypadkach, kali ŭ dziciaci niama pobač blizkich svajakoŭ ci apiekunoŭ, ale paźniej pieradali babuli.

Padtrymajcie Viačasłava i Taćcianu hrašovymi pieravodami i pasyłkami: SIZA-2, 210026, Viciebsk, Haharyna, 2, Viačasłaŭ Dźmitryjevič Łazaraŭ / Taćciana Leanidaŭna Pyćko.

Čytajcie taksama:

Byłoha palitviaźnia Alaksieja Siańkova, jaki vyjšaŭ u krasaviku na volu, zatrymali i znoŭ buduć sudzić

Pravaabaroncu Nastu Łojku trymajuć u ciesnaj i ciomnaj kamiery

U Hrodnie zatrymali namieśnika dyrektara kramy «Klimatmajstar»

Клас
0
Панылы сорам
1
Ха-ха
0
Ого
1
Сумна
0
Абуральна
10