Alaksiej Stuk na fiermie. Fota: pres-słužba Hienprakuratury

Alaksiej Stuk na fiermie. Fota: pres-słužba Hienprakuratury

Małočnatavarnaja fierma «Uryckaje» ŭžo była ŭziataja na kantrol prakuraturami Homielskaha rajona i Homielskaj vobłaści, paviedamlaje pres-słužba Hienprakuratury. Apošni raz prakurorskija rabotniki naviedvali jaje na pačatku žniŭnia 2023 hoda.

Praź miesiac Stuk «acaniŭ stan žyviołahadoŭčych abjektaŭ, pracoŭnuju dyscyplinu, a taksama pravieryŭ likvidacyju raniej vyjaŭlenych orhanami prakuratury parušeńniaŭ».

Vyjaviłasia, što «na siońnia vypraŭlena tolki małaja častka ŭskrytych niedahladaŭ i niedachopaŭ z momantu apošniaha vizitu».

«Tak, čarhovy raz ustanoŭleny parušeńni technałohii i režymu karmleńnia. U cialat, jakim ad dvuch da šaści miesiacaŭ, kanstatavana źniasileńnie. U ich adsutničaŭ padściłačny materyjał. U vyniku niaspraŭnaści paiłak siekcyi z žyviołami byli ŭ padtoplenym stanie i zapoŭnienyja arhanikaj. Vieterynarnyja preparaty zachoŭvalisia nienaležnym čynam», — davodzić pres-słužba Hienprakuratury.

Razmaŭlajučy z rabotnikami fiermy, Alaksiej Stuk nahadaŭ, što kožny kiraŭnik i rabotnik pradpryjemstva niasie piersanalnuju adkaznaść za zachavańnie pahałoŭja. Źviarnuŭ uvahu na važnaść stroha prytrymlivacca vieterynarnych i sanitarnych normaŭ pry dohladzie i karmleńni maładniaku. Aśviažyŭ viedy rabotnikaŭ haspadarki ŭ śfiery vytvorčaj i słužbovaj dyscypliny, a taksama adkaznaści za jaje parušeńnie, jak piša pres-słužba.

Vyjaŭlenyja parušeńni na kantrol ciapier uziała prakuratura vobłaści.

Клас
3
Панылы сорам
15
Ха-ха
23
Ого
0
Сумна
0
Абуральна
6