Kancler Niamieččyny Ołaf Šolc 4 vieraśnia apublikavaŭ u sacyjalnych sietkach svaju fatahrafiju z paviazkaj na pravym voku i drapinami na tvary. Heta byŭ pieršy zdymak palityka paśla paviedamleńniaŭ ab traŭmie, atrymanaj im padčas zaniatkaŭ sportam na vychadnych.

«Ź nieciarpieńniem čakaju miemaŭ. Dziakuj za dobryja pažadańni, vyhladaje horš, čym jość nasamreč», — napisaŭ Šolc u tvitary.

Čytačy nie prymusili siabie čakać. Bolšaść miemaŭ maje adsyłki da pirataŭ.

U niekatorych miemach Šolca źviazali z «pirackimi» sajtami. 

Niekatoryja karystalniki ŭzhadali Alaksieja Navalnaha. U 2017 hodzie rasijski apazicyjanier nasiŭ takuju ​​ž paviazku paśla taho, jak na jaho napali i ablili zialonkaj. Navalny tady atrymaŭ chimičny apiok voka.

Fatahrafiju kiraŭnika hiermanskaha ŭrada supastavili taksama z turemnym fota eks-prezidenta ZŠA Donalda Trampa, jakoje niadaŭna taksama razyšłosia na miemy.

65-hadovy Šolc atrymaŭ traŭmu na prabiežcy 2 vieraśnia. Praz heta jon nie zmoh prysutničać na pieradvybarnych mierapryjemstvach svajoj partyi ŭ fiederalnaj ziamli Hiesen 3 vieraśnia. Adnak jaho sustrečy na ​​hetym tydni admianiać nie stali, piša DW.

Клас
1
Панылы сорам
3
Ха-ха
22
Ого
0
Сумна
2
Абуральна
0