U 2023 hodzie Ženia Katava i Vital Jacuk stali baćkami syna Mirona. Fota: Instagram madeli

U 2023 hodzie Ženia Katava i Vital Jacuk stali baćkami syna Mirona. Fota: Instagram madeli

Sumnuju historyju — i pra biełaruski servis, i pra biełaruski šopinh — raspaviała ŭ storyz na svajoj staroncy ŭ Instagram madel Ženia Katava. Pačałosia ŭsio z taho, što maładaja žančyna adviezła svaje niatannyja štany ŭ chimčystku, pasłuhami jakoj siamja jaje muža Vitala Jacuka karystałasia kala dziesiaci hadoŭ. Tam štany sapsavali, a ŭ adkaz na patrabavańnie viarnuć hrošy, pa słovach Katavy, nachamili i skazali, što prablema nasamreč była ŭ drennaj jakaści adzieńnia. «Jany nas vyrašyli ašukancami niejkimi vystavić: jak byccam my im drennyja štany addali, a ciapier hrošy patrabujem!» — aburałasia znakamitaja madel.

Zrazumieła, što ŭ takim kryŭdnym vypadku niemahčyma było abyścisia biez ekśpiertyzy. Vyśvietliłasia, što zamiest brendavaj rečy Ženia Katava nabyła za vialikija hrošy nizkajakasnuju kitajskuju padrobku.

«Voś takija pirahi. «Armani» akazalisia «Arani», — žartaŭliva padpisała svaje storyz maładaja žančyna i paraiła: — Budźcie pilnyja tyja, chto pryjazdžaje ciapier na šopinh u Minsk kuplać brendavaje adzieńnie».

Madel raspaviała, što bucik užo paprasiŭ prabačeńnia i viarnuŭ hrošy — i tolki z hetaj pryčyny jana nie ahučvaje jaho nazvu. U chimčystku, dzie joj sapsavali niervy, Katava taksama bolš nie płanuje viartacca.

Ženia Katava na pakazie ŭ Miłanie ŭ 2020 hodzie. Fota Jacopo Raule / WireImage via Getty

Ženia Katava na pakazie ŭ Miłanie ŭ 2020 hodzie. Fota Jacopo Raule / WireImage via Getty

Nahadajem, Ženia Katava — madel z Barysava, jakaja stała papularnaj na Zachadzie. Jana była madellu Tani Tejłar, Filipa Plejna, Rejčeł Zoŭi, Naima Chana i Nikol Miler. Udzielničała ŭ pakazach Dolce & Gabbana, Cushnie et Ochs, Marc Jacobs, Bottega Veneta, Moschino, Elie Saab.

U 2019 hodzie Ženia Katava zhulała viasielle ź Vitalom Jacukom. Jaho baćka — multymiljanier Alaksandr Jacuk, zasnavalnik handlovaj sietki «Vitalur», jakaja niadaŭna zbankrutavała. Sioleta ŭ pary naradziŭsia syn, jakomu dali imia Miron.

Čytajcie taksama: Samyja papularnyja madeli-biełaruski typažoŭ baby face, strong face i strange face FOTY

Клас
6
Панылы сорам
8
Ха-ха
33
Ого
0
Сумна
1
Абуральна
5

Chočaš padzialicca važnaj infarmacyjaj ananimna i kanfidencyjna?