Hitanas Naŭsieda razam z kiraŭnikom Słužby achovy dziaržaŭnaj miažy Rustamasam Lubajevasam. Fota: VSAT

Hitanas Naŭsieda razam z kiraŭnikom Słužby achovy dziaržaŭnaj miažy Rustamasam Lubajevasam. Fota: VSAT

Prezident Hitanas Naŭsieda kaža, što pytańnie ab poŭnym zakryćci dziaržaŭnaj miažy Litvy ź Biełaruśsiu hublaje aktualnaść, bo ŭ susiedniaj krainie situacyja z hrupaj «Vahnier» stabilizujecca, paviedamlaje BNS.

«Heta situacyja była niekalkich tydniaŭ tamu, kali było vidavočna, što pahrozy pierasialeńnia hrupoŭki «Vahnier» u Biełaruś užo realna pačali ažyćciaŭlacca, i kali źjaviłasia infarmacyja ab tym, što častka vojskaŭ hrupoŭki «Vahnier» užo znachodzicca na palihonie Hoža, heta značyć u niepasrednaj blizkaści ad litoŭska-polskaj miažy, — skazaŭ H. Naŭsieda.

Prezident Litvy śćviardžaje, što situacyja ź biaśpiekaj paśla hetych padziej nie pahoršyłasia, a paśla hibieli Jaŭhiena Pryhožyna ŭ kamandavańni nazirajecca zboj.

«Siońnia ŭ mianie niama kankretnaj infarmacyi pra toje, što najmity hrupy «Vahnier» znachodziacca na našaj miažy i sprabujuć destabilizavać situacyju. Polski bok naŭrad ci moh by dadatkova niešta skazać», — skazaŭ prezident Litvy.

Pavodle jaho słoŭ, dziejańni krain rehijona pavinny być adekvatnymi situacyi.

«Kali situacyja ŭskładniajecca, my dziejničajem u adnym kirunku. Kali situacyja zastajecca takoj ža, jak ciapier, ci navat stabilizujecca, my pavinny dziejničać inakš. Nichto nie choča znoŭ zakryvać miežy sa spartyŭnych intaresaŭ», — skazaŭ H. Naŭsieda.

«Ja dumaju, što možna tak skazać», — dadaŭ jon, kali jaho spytali, ci hublaje aktualnaść pytańnie ab zakryćci miežaŭ.

Čytajcie taksama:

Łukašenka zajaviŭ, što hatovy da adnaŭleńnia dobrych adnosin z susiedziami, i nazvaŭ svoj pieršy krok

Naŭsieda naviedaŭ litoŭska-biełaruskuju miažu: «situacyja ź niepradkazalnym susiedam zastajecca napružanaj»

Naŭsieda nie staŭ unosić u Siejm praŭki ab unifikacyi pravoŭ biełarusaŭ i rasijanaŭ

Клас
9
Панылы сорам
9
Ха-ха
2
Ого
0
Сумна
0
Абуральна
2