Fota: fiba.com

Fota: fiba.com

Kab prabicca ŭ top-8 łatvijcam treba było siońnia pieramahčy Braziliju. Pałova matča išła roŭnaja baraćba (45:42), a ŭ treciaj čverci Łatvija streliła i vyjhrała ź likam +15, u apošniaj čverci našych susiedziaŭ było nie spynić: u vyniku 104:84.

Naohuł Łatvija mocna dadaje ŭ kancy sustrečy.

Na šlachu da čverćfinała Łatvija paśpieła pieramahčy mocnuju zbornuju Francyi, vyjhraŭšy litaralna na apošnich siekundach sustrečy, a taksama na apošnich chvilinach čempijona śvietu zbornuju Ispanii.

Usiaho ŭdzieł u čempijanacie śvietu biaruć 32 kamandy.

Najlepšymi siońnia ŭ Łatvii byli Andrejs Hražulis (24 ački), Arturs Žahars (17), Davis Biertans (14), Arturs Kurucs (12). Hałoŭnaja zorka da čempijanatu Krystaps Porzińhis udziełu ŭ turniry nie biare z-za traŭmy.

Treniruje zbornuju italjaniec Łuka Banki.

U čverćfinale Łatvija zhulaje ź Niamieččynaj.

Zbornaja Litvy taksama zrabiła siensacyju, vyjhraŭšy ŭ kamandy ZŠA — 110:104, pryčym paśla pieršaj čverci litoŭcy viali 32:17.

U čverćfinale Litva zhulaje ź Sierbijaj.

Zbornyja Biełarusi i Rasii adchilenyja ad spabornictvaŭ z-za vajny va Ukrainie.

Nahadajem, što chakiejnaja zbornaja Łatvii ŭ mai siensacyjna zavajavała bronzu, što pryviało da hulańniaŭ u krainie, a paniadziełak 29 maja, dzień viartańnia chakieistaŭ na radzimu, byŭ abvieščany vychodnym dniom.

Pierad čempijanatam śvietu pa baskietbole łatvijskija miedyi žartavali, ci padorać baskietbalisty dadatkovy vychodny dzień krainie. Napeŭna, žart spraŭdzicca.

Čytajcie taksama:

Cud u Džakarcie: zbornaja Łatvii vyrvała na apošnich chvilinach pieramohu ŭ Ispanii

Zbornaja Litvy vyjšła ŭ čverćfinał čempijanatu śvietu pa baskietbole

Baskietbolnuju zbornuju Biełarusi nie dapuścili da losavańnia Jeŭra-2025

Клас
28
Панылы сорам
0
Ха-ха
1
Ого
1
Сумна
1
Абуральна
2