Śpiecyjalist adznačaje, što navina pra vakcynu vielmi niapeŭnaja — niama zrazumiełaj infarmacyi akramia taho, što viadziecca niejkaja raspracoŭka. 

Ale sama pa sabie ideja zrabić vakcynu suprać psichaaktyŭnych rečyvaŭ, jakija mohuć vyklikać zaležnaść, nie novaja. Kanstancin adznačaje, što raspracoŭvajucca vakcyny suprać kakainu, nikacinu, apijataŭ i amfietaminaŭ: 

«Kali my kažam pra pasiŭnuju imunizacyju, vakcyna — heta kali my ŭvodzim hatovyja antycieły da peŭnych antyhienaŭ, suprać jakich žadajem vyklikać reakcyju. Kali robim aktyŭnuju reakcyju, my ŭvodzim sami antyhieny, kab jany spravakavali vypracoŭvańnie antycieł. Malekuły psichaaktyŭnych rečyvaŭ davoli prostyja i maleńkija, jany nie mohuć vystupać u roli antyhienaŭ i tamu sami pa sabie nie mohuć stać materyjałam dla vakcyny.

Tamu malekuły psichaaktyŭnych rečyvaŭ treba źviazać ź niejkim dosyć vialikim białkom, jaki moh by spravakavać imunnuju reakcyju. Ideja ŭ tym, što ŭ adkaz na ŭžyvańnie takich rečyvaŭ musić uźnikać reakcyja antycieł, jakija zaminajuć praniknieńniu rečyva ŭ mozh i, adpaviedna, atrymańniu toj samaj psichaaktyŭnaj reakcyi, dziela jakoj hetaje rečyva ŭžyvajuć».

Dziakujučy hetamu čałaviek nie adčuvaje taksičnych prajavaŭ užyvańnia rečyva, dy i nie maje ad jaho pazityŭnaha efiektu, to-bok hublajecca sam sens škodnaj zvyčki.

Što da ałkaholu, Kanstancin adznačaje, što vakcynu suprać jaho sprabujuć stvaryć užo nie adzin hod u łabaratoryjach u roznych krainach śvietu, ale efiekt pakul što tolki tearetyčny. Naprykład, hrupa amierykanskich navukoŭcaŭ raspracavała hienny preparat, jaki ŭvodzicca ŭ arhanizm adnarazova i adnaŭlaje ŭzrovień dafaminu ŭ mozhu — u ludziej, jakija pakutujuć na ałkahalizm, sintez hetaha harmonu paharšajecca. Ale ž takuju vakcynu pakul navat nie vypraboŭvali na ludziach.

Kanstancin źviartaje ŭvahu na jašče adzin aśpiekt: «Raspracoŭka luboha novaha preparatu, u tym liku vakcyny — heta dosyć vialikija hrošy. Nie viedaju, mahčyma, jany raptoŭna ŭzialisia adniekul u biełaruskaj miedycyny. Ale ci heta tak, jašče pytańnie, finansavy stan biełaruskaj navuki i miedycyny vyklikaje sumnieŭ».

Miedyk padkreślivaje, što ŭ teoryi vakcynu ad ałkahalizmu sapraŭdy možna stvaryć. Ale navuka pakul što nie pierakinuła mastok ad teoryi da praktyčnaj raspracoŭki takoj vakcyny, kab jaje možna było vykarystoŭvać u kliničnaj praktycy. Pakazalna, što takimi vynikami pakul nie mohuć pachvalicca navat najbahaciejšyja łabaratoryi śvietu.

Čamu niekatoryja ludzi adčuvajuć bolšuju tryvohu paśla ŭžyvańnia ałkaholu, čym inšyja

Navukoŭcy abvierhli mif, što ludzi paśla spažyvańnia ałkaholu ličać inšych bolš pryvabnymi

Jak sumiaščać ałkahol i treniroŭki i najmienš škodzić arhanizmu

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?