Viktar Chrenin. Fota: BiełTA

Viktar Chrenin. Fota: BiełTA

Polšča pakul nie adkazała na zaprašeńnie nakiravać u Biełaruś naziralnikaŭ na vučeńnie ADKB. Pra heta zajaviŭ žurnalistam ministr abarony Biełarusi Viktar Chrenin, piša BiełTA.

«My nakiravali zaprašeńnie. Adkazu pakul niama. Vučeńni aficyjna pačynajucca 1 vieraśnia. Pahladzim, na jakim etapie. Jašče jość čas da 6 vieraśnia — zaviaršalnaha etapu vučeńniaŭ. Kali łaska, čakajem u hości, kab pakazać svaju adkrytaść», — skazaŭ ministr.

Jon adznačyŭ, što vučeńni projduć na niekalkich palihonach na terytoryi Biełarusi. Asnoŭny kantynhient — ad biełaruskich Uzbrojenych sił, a vajskoŭcaŭ ź inšych krain nie šmat. Sami ž vučeńni bolš nosiać štabny charaktar i pravodziacca vyklučna na płanavaj asnovie. «Ich možna pahladzieć na 10 hadoŭ napierad», — padkreśliŭ Viktar Chrenin.

«Usio zadekłaravana, pakazana — kolki ŭdzielnikaŭ, na jakich palihonach prachodziać hetyja vučeńni. My vučym svaich vajskoŭcaŭ, rychtujem svajo vojska reahavać na mahčymuju ryzyku i vykliki», — zajaviŭ ministr.

Čytajcie taksama:

Łukašenka zajaviŭ, što hatovy da adnaŭleńnia dobrych adnosin z susiedziami, i nazvaŭ svoj pieršy krok

Vajskoŭcy z Kazachstana pryjechali na vučeńni ŭ Biełaruś biez techniki

USU zajavili, što Rasija vyvieła svaje vojski ź Biełarusi ŭ poŭnym składzie. «Biełaruski Hajun» heta asprečvaje

Клас
1
Панылы сорам
2
Ха-ха
16
Ого
1
Сумна
1
Абуральна
0