Fota: «Schiemy»

Fota: «Schiemy»

Na zdymkach Planet Labs vidać, što paškodzili sama mieniej dva samaloty typu Ił-76 u noč z 29 na 30 žniŭnia. Paśla analizu spadarožnikavych zdymkaŭ paškodžańni samalotaŭ paćvierdziŭ avijaekśpiert Anatol Chrapčynski, da jakoha žurnalisty «Schiem» źviarnulisia pa kamientar.

«Na spadarožnikavym zdymku my bačym, što paškodžana pavierchnia kala kryłaŭ, chutčej za ŭsio, dronami sprabavali trapić u paliŭnyja baki, jakija znachodziacca ŭ toj častcy samalota. Ale i heta ŭsio roŭna vyvad samalota na kapitalny ramont, jaki zojmie minimum 2-3 miesiacy», ― rastłumačyŭ Chrapčynski.

Fota: «Schiemy»

Fota: «Schiemy»

Taksama kala adnaho z samalotaŭ možna zaŭvažyć dva čyrvonyja aŭtamabili, padobnyja da pažarnych, jakija mahli pryciahnuć dla tušeńnia pažaru.

Hety typ samalotaŭ pastajanna bazujecca na aeradromie Pskova. Samaloty z hetaha aeradroma vykarystoŭvaje 76-ja hvardziejskaja desantna-šturmavaja dyvizija armii RF. Jana ž — «Pskoŭskaja dyvizija», adna z tych, što ŭdzielničała ŭ zachopie Bučy ŭ pačatku poŭnamaštabnaha ŭvarvańnia.

Fota: «Schiemy»

Fota: «Schiemy»

Raniej pradstaŭnik Hałoŭnaha ŭpraŭleńnia raźviedki Andrej Jusaŭ paćvierdziŭ źniščeńnie čatyroch i paškodžańnie jašče niekalkich rasijskich Ił-76 u Pskovie.

Jusaŭ kazaŭ pra čatyry paškodžanyja samaloty.

Čytajcie taksama:

Bieśpiłotniki nanieśli źniščalny ŭdar pa aeradromie Pskova, dzie bazavalisia rasijskija transpartnyja Ił-76

HUR Minabarony Ukrainy ŭziało na siabie adkaznaść za ataku na vajskovy aeradrom u rasijskim Pskovie

Siońniašni avijarejs Minsk — Pskoŭ skasavany. Jon tolki miesiac tamu źjaviŭsia ŭ raskładzie

Клас
18
Панылы сорам
0
Ха-ха
0
Ого
1
Сумна
1
Абуральна
1