Viasielle ŭ treci raz Ryta Dakota adznačała na Bali. Skryn storyz śpiavački ŭ instahramie

Viasielle ŭ treci raz Ryta Dakota adznačała na Bali. Skryn storyz śpiavački ŭ instahramie

Ale ž para vyrašyła palacieć u svajo «miesca siły» — na Bali, dzie zakachanyja niekali i paznajomilisia. U płanach była ŭtulnaja cyrymonija z hałoŭnym manacham vostrava śviatym Manku Džaci. Para zaprasiła na śviata svaich najlepšych siabroŭ. 

«Heta našmat bolš, čym prosta viasielle. Heta akt padziaki i słužeńnia našym siabram. Tym, chto byŭ z nami z samaha dziacinstva i junactva. Tym, chto byŭ pobač, kali nie było zusim ničoha: ni słavy, ni hrošaj, ni ščaścia, ni ŭpeŭnienaści ŭ zaŭtrašnim dni. Ale byli jany. Tyja, chto ŭ nas vieryŭ, tyja, chto nas lubiŭ nasupierak, tyja, chto zaŭsiody zdymaŭ ź siabie apošniuju kašulu, addavaŭ apošni kavałak chleba, davaŭ i plačo, i dach nad hałavoj, i siły iści dalej, kali apuskalisia ruki», — napisała Dakota na svajoj staroncy ŭ Instagram.

Śpiavačka taksama ŭdakładniła, što jany z mužam kupili bilety ŭsim haściam, źniali samuju pryhožuju viłu na vostravie, vializny i biełaśniežny katar.

Ale biez prablem nie abyšłosia. Spačatku SDEK niedzie zhubiŭ pasyłku ź viasielnaj sukienkaj śpiavački i joj pryjšłosia terminova kuplać novuju. Potym nočču napiaredadni viasiella na Bali byŭ ziemlatrus siłaj 7,1 bała.

Sukienka, u jakoj śpiavačka płanavała być na viasielli na Bali. Fota: telehram-kanał Ryty Dakoty

Sukienka, u jakoj śpiavačka płanavała być na viasielli na Bali. Fota: telehram-kanał Ryty Dakoty

Viasielny dzień pary pačaŭsia z dychalnaj praktyki i johi ź siabrami. Potym, pakul siabroŭki niaviesty rabili makijaž, sama niaviesta adpraviłasia na plaž, a žanich za hadzinu da viasiella razam ź siabrami zabaŭlaŭsia ŭ basiejnie.

Pad vianiec Rytu pavioŭ jaje brat Alaksandr. Łakacyju dla viasiella aformili, pa słovach śpiavački, jak u filmach. Kvietkavuju arku ŭstalavali tak, kab hości mahli lubavacca nie tolki paraj zakachanych, ale i akijanam.

Nahadajem, što pieršaje viasielle Dakoty adbyłosia ŭ traŭni hetaha hoda ŭ Maskvie: tady ŭ maładzionaŭ nie było šykoŭnaj cyrymonii. Jany vyrašyli arhanizavać śviata dla vychavancaŭ dziciačaha doma ŭ Ćviery. Para apłaciła ramont tam, padaryła dzieciam viełasipiedy i zładziła piknik.

U pačatku žniŭnia Dakota i Biełahaj paviančalisia ŭ Hruzii — cyrymonija prajšła ŭ adnoj z najstarejšych cerkvaŭ Tbilisi. Na śviata zaprasili samych blizkich ludziej — usiaho kala dziesiaci svajakoŭ. Padpisčyc Ryty bolš za ŭsio cikaviła, dzie jaje maci, bo kala hoda tamu stała viadoma, što žančynu zatrymali biełaruskija siłaviki i abvinavačvali jaje va ŭdziele ŭ pratesnych akcyjach, pahražali kryminalnaj spravaj.

Śpiavačka adkazała ŭ storyz: «Hod tamu maja mama pryniała rašeńnie nie fihuravać ni ŭ jakich sacsietkach. Heta jaje vybar. Mahčyma, adnojčy jana vierniecca i sama raskaža vam pra pryčyny, kali paličyć patrebnym. Ja viedaju, što pytajučysia pra heta ŭ dyrekt štodnia, vy nie chacieli ničoha drennaha, a prosta lubicie našu siamju, ličycie nas usich rodnymi i pieražyvajecie. Ale vy mocna palehčycie mnie žyćcio, kali prajavicie krychu taktoŭnaści».

Potym u paście Ryta ŭdakładniła, što na viančańni byli baćki maładzionaŭ, ich braty i dačka (Mii, dačce śpiavački ad pieršaha šlubu sa śpievakom Uładam Sakałoŭskim, piać hadoŭ).

Kali mierkavać pa storyz, śviata ŭ Tbilisi krychu zasmuciła niaviestu — a pryčynaj tamu stała lehiendarnaja hruzinskaja haścinnaść. Para płanavała śviata — karcinku z Pinterest: śviatočny stoł sa mnostvam śviečak pastavili ŭ harach pad razhalistym drevam, upryhožanym hirlandaj. Pobač dziaŭčyna z hitaraj śpiavała hruzinskija pieśni… U storyz Dakota raspaviała, što žadała pravieści viečar u dušeŭnych hutarkach z samymi blizkimi ludźmi. Adnak raz-poraz da ich padychodzili nieznajomyja ludzi, jakija chacieli pavinšavać paru ź viasiellem. U vyniku śpiavačka pryznałasia, što chutka stamiłasia słuchać biaskoncyja tosty ad čužych. Ale, bačačy što haściej heta nie biantežyć, jana vyrašyła źmirycca ź situacyjaj i atrymlivać asałodu ad śviata, jakoje pajšło nie pa płanie.

Čytajcie taksama:

«A dzie vaša mama?» Ryta Dakota paviančałasia ŭ Tbilisi

Saładucha pachvaliŭsia, što za hod zarablaje 100—150 tysiač dalaraŭ

Zielankoŭskaja znajšła tonkija słovy dla charaktarystyki Hienadzia Davydźki

Siostry Hruździevy ŭbralisia ŭ Biełaruś i Rasiju FOTAFAKT

Клас
5
Панылы сорам
11
Ха-ха
7
Ого
2
Сумна
3
Абуральна
2

Chočaš padzialicca važnaj infarmacyjaj ananimna i kanfidencyjna?