Ilustracyjny zdymak. Fota: telehram-kanał «Varšavka Hranica Briest-Tieriespol»

Ilustracyjny zdymak. Fota: telehram-kanał «Varšavka Hranica Briest-Tieriespol»

Čerhi pavialičylisia

Da zakryćcia Litvoju punktaŭ propusku «Łoša» i «Vidzy» na biełaruska-litoŭskaj miažy funkcyjanavała 6 punktaŭ propusku. Čas ad času ŭ niekatoryja dni i hadziny tam źbiralisia davoli istotnyja čerhi, ale chapała momantaŭ, kali zajechać na terminał možna było adrazu.

Paśla taho, jak «Łoša» i «Vidzy» spynili pracu, čerhi ŭ «Kamiennym Łozie» i «Bieniakoniach» pačali mieć piermanientny charaktar.

Zhodna z archivam čerhaŭ na sajcie Dziaržpahrankamiteta, na hetych dvuch punktach propusku pačynajučy z 18 žniŭnia nie było ni hadziny, kab pierad ujezdam na terminał nie było čerhaŭ. Choć u pieršaj pałovie miesiaca takoje zdarałasia davoli časta.

U «Katłoŭcy» apošni raz nie było čerhaŭ na vyjezd ź Biełarusi 22 žniŭnia i to ŭsiaho na niekalki hadzin. U «Pryvałcy» takoje adbyvałasia dvojčy pa niekalki hadzin: viečaram 19 žniŭnia i ranicaj 21 žniŭnia.

Zarobki, jak u Jeŭropie

Praz pavieličeńnie čerhaŭ, u jakich niaredka davodzicca pravodzić bolš za sutki, stali jašče bolš papularnymi pasłuhi ludziej, jakija hatovyja pastajać za vas.

Klijentaŭ pradprymalnyja hramadzianie šukajuć praz admysłovyja čaty ŭ Viber abo Telegram.

Tak, naprykład, adstajać za vas u čarzie na «Pryvałcy» mohuć pa staŭcy 6 dalaraŭ za hadzinu. Papiarednie treba zapłacić 70 rubloŭ za broń, jakija potym pojduć u zalik pahadzinnaj apłaty.

Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Za hetyja hrošy čałaviek budzie stajać za vas u čarzie na svaim aŭto. Pa miery nabližeńnia da šłahbauma jon vyjazdžaje z čarhi, a vy zajazdžajecie na jaho miesca. U zaležnaści ad kolkaści aŭto ŭ čarzie i chutkaści pracy pamiežnikaŭ i mytnikaŭ na heta moža syści ad 10 hadzin. Kab nie stajać dadatkovych 15 hadzin čakańnia ŭ čarzie, padarožniku daviałosia zapłacić 90 dalaraŭ.

Inšyja za svaje pasłuhi nazyvajuć košt u 100-150 rubloŭ u zaležnaści ad času čakańnia. Ale kali raptam daviadziecca stajać bolš za 12 hadzin, to ŭ 150 rubloŭ ukłaścisia nie atrymajecca, patłumačyŭ adzin z karystalnikaŭ, jaki raźmiaściŭ prapanovu ŭ admysłovym čacie.

Pakolki čerhi źbirajucca i ŭ advarotnym kirunku, to padobnym zajmajucca i na litoŭskim baku. Tam u zaležnaści ad daŭžyni čarhi miesca bližej da šłahbauma pradajuć pa cenach ad 50 da 100 jeŭra.

 Ilustracyjny zdymak. Fota: Straż Graniczna

 Ilustracyjny zdymak. Fota: Straż Graniczna

Polski kirunak

Padobny vid biznesu taksama raspaŭsiudžany na biełaruska-polskaj miažy ŭ adzinym dziejnym lehkavym punkcie propusku «Brest».

Kab pastajać za vas u čarzie da zony čakańnia, biaruć da 80 jeŭra. Abiacajuć, što heta sekanomić nie mienš za 12 hadzin. Niekatoryja hatovyja adstajać usiu čarhu na vašym aŭto za 100 jeŭra. Kažuć, što takim čynam čas čakańnia stanie mienšym na 20 hadzin.

Pasłuhi ludziej, jakija za niemałyja pa biełaruskich mierkach hrošy hatovyja pastajać u čarzie za vas, sapraŭdy dapamahajuć skaracić čas čakańnia ŭ čarzie. Ale nie treba zabyvacca, što ŭnutry terminała stajać daviadziecca ŭ lubym vypadku samastojna. Na heta taksama moža syści niekalki hadzin.

Čytajcie taksama: 

Premjerka Litvy paabiacała nie zakryvać dvuch novych pierachodaŭ na miažy ź Biełaruśsiu

Naŭsieda zaklikaŭ nie pieratvarać zakryćcio pamiežnych pierachodaŭ ź Biełaruśsiu ŭ sport

Praź miažu na rovary. Nakolki heta moža sekanomić čas

Клас
1
Панылы сорам
6
Ха-ха
4
Ого
5
Сумна
8
Абуральна
9