Andrej Pačobut padčas suda. Fota: BiełTA

Andrej Pačobut padčas suda. Fota: BiełTA

«Što tyčycca Andreja, na žal, situacyja vielmi ciažkaja. Nastupnyja šeść miesiacaŭ praviadzie ŭ kamiery dla pakarańnia, biespadstaŭna kinuty tudy. Tak što situacyja paharšajecca. Da jaho nie puskajuć advakata, nie dachodziać listy, nie dajuć jamu lekaŭ, jakija jamu patrebny kožny dzień».

Paźniej u kamientary dla «Radyjo Unet» Marek Zanieŭski bolš padrabiazna raspavioŭ pra situacyju z Pačobutam.

«Najvialikšaja prablema na siońnia — heta adsutnaść infarmacyi, bo da Andreja nie moža trapić advakat, nie dachodziać listy, jaho pazbavili mahčymaści telefanavańnia dadomu. I heta stvaraje najvialikšuju prablemu, bo my nie viedajem, dzie jon ciapier, u jakim jon stanie i što ŭvohule tam ź im dziejecca. Z toj infarmacyi, što da nas dachodzić, jon na šeść miesiacaŭ asudžany znachodzicca ŭ kamiery pakarańnia ŭ kałonii i nie atrymlivaje lekaŭ dla serca, jakija patrabuje kožny dzień. Heta taksama prymušaje vielmi niepakoicca», — zaznačyŭ Zanieŭski.

***

Žurnalista i aktyvista polskaj supolnaści ŭ Biełarusi Andreja Pačobuta zatrymali 25 sakavika 2021 hoda. Jaho abvinavacili pavodle art. 361 KK — «Zakliki da dziejańniaŭ, skiravanych na pryčynieńnie škody nacyjanalnaj biaśpiecy Respubliki Biełaruś», a taksama pavodle art. 130 KK — «Raspalvańnie rasavaj, nacyjanalnaj, relihijnaj albo inšaj sacyjalnaj varožaści». Praces u Hrodzienskim abłasnym sudzie ŭ zakrytym režymie razhladaŭ sudździa Dźmitryj Bubienčyk. U lutym Pačobutu prysudzili 8 hadoŭ kałonii, pakarańnie jon adbyvaje ŭ Navapołacku.

Čytajcie taksama:

Andreja Pačobuta pieraviali ŭ pamiaškańnie kamiernaha typu

«Z taho boku niama ani najmienšaj dobraj voli». Kiraŭnik polskaha MUS vykazaŭsia pra pierśpiektyvy vyzvaleńnia Andreja Pačobuta

«Što ja viedaju pra muža? Uvohule ničoha». Z Andrejem Pačobutam taksama źnikła suviaź

Клас
1
Панылы сорам
3
Ха-ха
2
Ого
0
Сумна
3
Абуральна
21