Tydzień tamu ŭ redakcyju napisała słuččanka Žanna, jakaja zhadała, što anałahičnaja situacyja ŭžo była ź inšym domam. Jana spytała, kudy jašče možna źviarnucca dla vyrašeńnia hetaha pytańnia.

— 29 maja byŭ zdadzieny dom pa adrasie Barysaŭca 15, jaki pavodle asnoŭnaj damovy mieŭsia być zdadzieny jašče ŭ lutym, ale zdača pieranosiłasia pavodle dadatkovych pahadnieńniaŭ. U domie niama vady. Telefanavali va Upraŭleńnie kapitalnaha budaŭnictva, tam pastajannyja adhavorki: pytańnie vyrašajem; potym kažuć, što praz tydzień ci dva budzie viadoma. Prosiać pačakać. Ciapier užo kažuć, što, mahčyma pry kancy miesiaca. I nieviadoma, ci buduć niejkija źmieny pry kancy miesiaca. Da taho ž heta dom sa šmatdzietnymi siemjami, im treba vyznačacca z sadami i škołami. Nie va ŭsich jość mahčymaść zavieści dziaciej u sady i škoły na inšy kaniec horada i svoječasova pryjechać na pracu. Da taho ž tych, chto pražyvaje ŭ internacie, prosiać vysielicca (bo jany atrymali kvatery), — raspaviała Žanna.

Taksama z prośbaj ab dapamozie źviarnułasia Nadzieja.

— Moža, vy dapamožacie, i praces paskorycca! Dom zdaŭsia jašče ŭ kancy maja, ludziam pačali vydavać klučy ŭ lipieni! My nie možam tudy zajechać žyć, bo tam niama ni śviatła, ni vady! Damafon nie pracuje, lift, adpaviedna, taksama! Prablema ŭ tym, što UKB dom pieradaŭ słužbie zakazčyka ŽKH, kažuć, u ich tam iduć niejkija tarhi, što b chtości absłuhoŭvaŭ hety dom. Ja nie mocnaja ŭ hetym, ja zvyčajnaja słuččanka, jakaja choča žyć u svajoj kvatery. Ale da kanca žniŭnia ciapier dakładna ničoha nie vyrašycca — tak nam skazała słužba zakazčyka, i nie fakt, što ŭ vieraśni taksama! Vychodzić, ludzi zapłacili hrošy za svajo žyllo, a zajechać tudy nie mohuć? Navat ramont zrabić nie atrymlivajecca, bo bieź śviatła i vady heta nierealna. Mała taho, pakul dom pustuje i adkryty, tam źbirajecca moładź, pjuć piva i kurać u padjeździe, — skazała Žanna.

Čytajcie taksama:

U Hienieralskim domie na praśpiekcie pradajecca dvuchpaviarchovaja kvatera. Płošča — jak u pryvatnaha doma

U Breście zdajecca kvatera za 1000 dalaraŭ na miesiac. Sapraŭdy nastolki šykoŭny varyjant?

Hrodziency ad śvitanku vystrojvajucca ŭ čerhi, kab nabyć novyja kvatery ad dziaržzabudoŭščyka. U čym pryčyna?

Ad 730 dalaraŭ za mietr. U Sucharavie pačynajuć budavać jašče adnu panelku

Клас
0
Панылы сорам
1
Ха-ха
0
Ого
1
Сумна
0
Абуральна
0