Kancler Niamieččyny Ołaf Šolc hladzić na Kaju Kałas. Fota ź jaje instahrama

Kancler Niamieččyny Ołaf Šolc hladzić na Kaju Kałas. Fota ź jaje instahrama

Kaja Kałas (Partyja reformaŭ) nie źbirajecca pakidać pasadu premjer-ministarki Estonii praz skandał, źviazany ź biznesam jaje muža, piša Postimees.

«Ja nie płanuju sychodzić u adstaŭku, ja jak premjer-ministarka stajała i budu stajać za svabodu Ukrainy i Estonii», — skazała Kaja Kałas.

Pa jaje słovach, za sankcyjnyja tavary treba karać, astatni biznes — heta pytańnie maralnaha kompasa.

Jana taksama padkreśliła, što jany z mužam — Arva Chalikam — pracoŭnych pytańniaŭ doma nie abmiarkoŭvajuć. Što tyčycca kredytu, jaki Kałas dała firmie muža, to hetyja hrošy, pa słovach premjer-ministarki, vykarystoŭvalisia firmaj razam ź inšym kapitałam dla roznych finansavych inviestycyj, i na hety momant usia suma kredytu była ŭžo viernutaja.

Dniami stała viadoma, što Stark Logistics, kampanija Arva Chalika, adnaho z samych aktyŭnych inicyjataraŭ uviadzieńnia sankcyj suprać Rasii, praciahnuła zajmacca transparciroŭkaj tavaraŭ u Rasiju: ich biznes-partnior, kampanija Metaprint, jaki taksama maje dolu ŭ kampanii Stark Logistics, užo paŭtara hoda nie moža tam spakavać rečy.

Hienieralny dyrektar Stark Logistics Kryśćian Kraah zapeŭniŭ, što padčas vajny ŭ kampanii nie było nivodnaha rasijskaha klijenta. Adnak u Stark Logistics jość estonski klijent Metaprint, u jakoha ŭ Rasii jość zavod pa vytvorčaści aerazolnaj upakoŭki. Apošniaja pieravozka dla estonskaha zakazčyka adbudziecca ŭ vieraśni.

Sam muž Kałas Arva Chalik abviaściŭ u piatnicu, što pradaje ŭsie svaje akcyi ŭ pradpryjemstvie Stark Logistics i sychodzić z kampanii.

Čytajcie taksama:

Skandał u Estonii: apazicyja patrabuje adstaŭki premjera. Jaje muž pracavaŭ z rasijskimi kampanijami paśla pačatku vajny

Urad Łatvii ŭznačalić Evika Silinia. Takim čynam, uradami ŭsich troch krain Bałtyi kirujuć žančyny

Prezidentam Łatvii abrali Edhara Rynkieviča. Jon nie raz sustrakaŭsia ź Cichanoŭskaj

Клас
2
Панылы сорам
2
Ха-ха
1
Ого
0
Сумна
0
Абуральна
0