Momant pacałunku. Fota: Noemi Llamas / Eurasia Sport Images / Getty Images

Momant pacałunku. Fota: Noemi Llamas / Eurasia Sport Images / Getty Images

Čempijonki śvietu pa futbole admovilisia vystupać za zbornuju Ispanii da zvalnieńnia prezidenta Karaleŭskaj ispanskaj futbolnaj fiederacyi (RFEF) Łuisa Rubialesa za pacałunak futbalistki kamandy Chienifier Ermosa. Adpaviednaja zajava apublikavanaja na staroncy Asacyjacyi prafiesijnych futbalistaŭ (FUTPRO) u Twitter (pieranazvanaja ŭ Ch), piša RBK.

«Čempijonki śvietu i inšyja futbalistki vykazvajuć padtrymku Ermosa i ćviorda asudžajuć pavodziny, jakija abražajuć hodnaść žančyn», — havorycca ŭ zajavie, dzie adznačajecca, što da bajkotu mohuć dałučycca i inšyja futbalisty.

U zajavie taksama pryvodzicca cytata Ermosa: «Ja nie paciarplu taho, što maje słovy staviacca pad sumnieŭ, a tym bolš taho, što prydumlajucca słovy, jakich ja nie kazała».

Usiaho pra bajkot abviaścili 53 futbalistki.

Kiraŭnik RFEF na cyrymonii ŭznaharodžańnia paśla pieramohi nacyjanalnaj kamandy ŭ finale žanočaha čempijanatu śvietu nad Anhlijaj (1:0) mocna abniaŭ i pacałavaŭ u vusny Ermosu, čym vyklikaŭ krytyku ŭ svoj adras. Tłumačačy svaje dziejańni, Rubiales zaklikaŭ «nie źviartać uvahi na łuchtu».

Da adstaŭki 45-hadovaha Rubialesa raniej zaklikali Žanočaja futbolnaja liha Ispanii, a taksama ispanskija palityki, siarod jakich vice-premjer Jołanda Dyjas.

U čaćvier dyscyplinarny kamitet FIFA raspačaŭ spravu suprać Rubialesa. U FIFA adznačyli, što jaho dziejańni mohuć być parušeńniem art. 13 dyscyplinarnaha kodeksa, pryśviečanaha «abraźlivym pavodzinam», u pryvatnaści «parušeńniu asnoŭnych praviłaŭ hodnych pavodzin» i «pavodzinam, jakija nanosiać škodu reputacyi hetaha vidu sportu».

Prakuratura Madryda 25 žniŭnia raspačała spravu ŭ dačynieńni da kiraŭnika RFEF pa padazreńni ŭ seksualnym hvałcie. U spravie jość zajava ad samoj Ermosa, a taksama ad prezidenta Nacyjanalnaj škoły futbolnych trenieraŭ Mihiela Anchiela Hałana.

Niahledziačy na cisk, Rubiales 25 žniŭnia zajaviŭ, što nie sydzie ŭ adstaŭku. Na znak pratestu forvard «Bietysa» Borcha Ihlesijas abviaściŭ ab sychodzie z mužčynskaj zbornaj Ispanii.

Rubiales uznačalvaje RFEF z maja 2018 hoda.

Čytajcie taksama:

Nazvany hulcy zbornaj na matčy z Andoraj i Izrailem. Jość navat biełarus z čempijanatu Ispanii. Ale nie śpiašajciesia radavacca

BATE prapuściŭ čatyry miačy ad kosaŭskaha «Bałkani»

Miesi naniaŭ sabie asabistaha ciełaachoŭnika. Toj biehaje ŭzdoŭž pola padčas jaho matčaŭ

Клас
6
Панылы сорам
8
Ха-ха
14
Ого
7
Сумна
3
Абуральна
1