Sutnaść akcyj Uładzisłava Bochana — jon dasyłaje na elektronnyja adrasy škoł ad imia roznych dziaržaŭnych orhanaŭ patrabavańnie ŭ niejki termin pravieści ŭ svajoj ustanovie tuju ci inšuju ideałahičnuju akcyju, jakaja nibyta pravodzicca va ŭsioj krainie ci asobnym rehijonie, a ŭ jakaści paćviardžeńnia vykanańnia zahadu dasłać na hety adras adpaviednyja fota.

Nastaŭniki nie zaŭsiody robiać heta achvotna i na pieršaje patrabavańnie, časta jany ŭklučajuć taktyku sabatažu, adciahvajučy vykanańnie zahadu da apošniaha, spadziejučysia, što sami «inicyjatary» pastaviacca da hetaha farmalna. Ale strohaje nahadvańnie niezadoŭha da zakančeńnia terminu z pahrozaj u vypadku nievykanańnia pisać tłumačalnuju zvyčajna robić svaju spravu, i prynamsi častka škoł patrabavańni «lalkavoda» vykonvajuć.

Hetym razam asnovaj dla rozyhryšu byli abranyja matyvy satyryčnaj knihi sučasnaha rasijskaha piśmieńnika Uładzimira Sarokina «Dzień apryčnika», jakaja, jak heta ni dziŭna, dahetul uvachodzić u śpis litaratury, rekamiendavanaj u rasijskich škołach dla dadatkovaha čytańnia. 

Akcyja Bochana i hetym razam mieła pośpiech: jon atrymaŭ, choć i paśla dadatkovaha nahadvańnia, foty ź niekalkich škoł.

 

A niekatorych piedahohaŭ upieršyniu ŭ praktycy prankiera ŭdałosia raskrucić na tłumačalnyja zapiski, čamu zadańnie było nie vykanana. Pry hetym vyjaviłasia, što sam prankier pamyliŭsia, pastaviŭšy pamyłkovuju datu rehistracyi, jakaja ŭžo minuła. Adnak mnohija na heta ŭvahi nie źviarnuli.

«Mianie nieadnarazova pytalisia: ci škada mnie tych «nastaŭnikaŭ», jakija stanoviacca abjektami maich ekśpierymientaŭ pa pošuku dna hetaha absurdu. Nie. Pahladzicie sami! Vam škada?

Ja nie kažu pra toje, što hetyja ludzi buduć raspalvać vajnu ŭ junych rozumach na ŭrokach, a paśla buduć raznosić pozvy byłym vučniam. I nie ŭ mietafary, što mienavita ŭ hetym rehijonie jany lohka źmianili «radzimu» i buduć apiavać pachod «novaj» na ich «staruju», — kamientuje Uładzisłaŭ Bochan hetuju svaju akcyju.

Čytajcie taksama:

Biełarus dasłaŭ u rasijskija škoły zahad pravieści malebien. Jaho praviali, ale daviałosia surova nahadvać

Biełaruski mastak z ułasnaj inicyjatyvy zrabiŭ siabie Hierojem Rasii. I prymusiŭ pravieści akcyi ŭšanavańnia ŭ rasijskich škołach

Pravincyjnaja škoła znoŭ paviałasia na razvod prankiera

Prankier, jaki pierad refierendumam dresiravaŭ biełaruskich piedahohaŭ, vyjšaŭ na rasijski prastor. I znoŭ paśpiachova

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?