«Z hetaha navučalnaha hoda my atrymali vialikija mahčymaści pašyreńnia sietki profilnaha navučańnia prafiesijnaj nakiravanaści ŭ starejšych kłasach. U nastupnym navučalnym hodzie ŭ 16 škołach buduć adkryty inžyniernyja kłasy, u adnoj — čyhunačnyja.

Taksama šyroka buduć pradstaŭlenyja na treciaj stupieni navučańnia kłasy vajskova-patryjatyčnaj nakiravanaści. Kolkaść apošnich u paraŭnańni ź minułym hodam pavialičyłasia praktyčna ŭ piać razoŭ», — zajaviła Barysienka.

Akramia taho, u dźviuch minskich škołach źjaviacca ahrarnyja kłasy, što, na dumku čynoŭnicy, «niemałavažna dla ekanomiki krainy».

«U takich kłasach dzieci na pavyšanym uzroŭni vyvučajuć fiziku, matematyku, chimiju, bijałohiju i hieahrafiju. U abaviazkovym paradku ŭ raskładzie i fakultatyŭ prafiesijnaj nakiravanaści.

U atestacie ŭ vypusknika budzie zapis ab tym, što jon asvoiŭ dadzieny kurs, što dla pracadaŭcy albo budučaha pastupleńnia ŭ VNU pa profili maje niemałavažnaje značeńnie», — adznačyła Barysienka.

Va ŭsie kłasy prafiesijnaj nakiravanaści jość adbor. Pa profilnych pradmietach u dzieviacikłaśnikaŭ nie pavinna być adznak nižejšych za 7 bałaŭ, a siaredni bał paśviedčańnia ab bazavaj adukacyi taksama musić być nie nižejšy za 7. Vyklučeńnie tolki dla ahrarnych kłasaŭ — tam dastatkova siaredniaha bału paśviedčańnia ab bazavaj adukacyi nie nižejšaha za 5, a adznaki pa profilnych pradmietach musiać być nie nižejšymi za 6.

Čytajcie taksama:

Łukašenka skazaŭ, što sioleta treba dašlifavać sistemu adukacyi

Jak vyhladaje školnaja forma, jakuju chočuć uvieści dla biełaruskich nastaŭnikaŭ 

Jakija pryvatnyja škoły ciapier pracujuć i kolki tam kaštuje navučańnie

Клас
0
Панылы сорам
0
Ха-ха
7
Ого
0
Сумна
0
Абуральна
2