Achviara razhonu ludziej, jakija patrabavali sumlennaha padliku hałasoŭ 9 žniŭnia 2020 hoda. Fota: «Naša Niva»

Achviara razhonu ludziej, jakija patrabavali sumlennaha padliku hałasoŭ 9 žniŭnia 2020 hoda. Fota: «Naša Niva»

«Rychtavaŭsia da adnaho kamientara ŭ teleefiry, dumaŭ nad abvieščanymi temami razmovy, i ŭ hałavu pryjšła viadomaja fraza «Režym viadzie vajnu z ułasnym narodam».

I adrazu padumałasia, nakolki jana nie padychodzić dla našaj situacyi.

Bo tyja, z kim zmahajecca, kaho represuje siońnia Łukašenka, — heta dla jaho nie «ŭłasny narod». Dla jaho «ŭłasny narod» — heta «russkije so znakom kačiestva», heta tyja, dla kaho, jak i dla jaho, Ajčyna ad Bresta da Uładzivastoka, u kaho «Maskva ŭ hałavie». A tyja, z kim jon zmahajecca, — biełaruskamoŭnyja ci ruskamoŭnyja, ale aryjentavanyja na Biełaruś, — dla jaho varožy narod, «nacmieny», jak jon časta vykazvaŭsia.

Zaŭvažcie, navat roznyja kalahubazikaŭskija kanały adździalajuć, kali pišuć pa-rusku, «biełorusov» ad «biełarusov». Usio biełaruskaje jany vykarystoŭvajuć u ździeklivaj formie — urešcie, Łukašenka ŭsio žyćcio heta rabiŭ, užyvajučy słova «śviadomyja». I ciapier jany sapraŭdy zmahajucca suprać luboj prajavy biełaruskaści, raniej dazvolenaj i časam navat aficyjnaj.

Pamiatajecie, jak uvieś 2020 hod Łukašenka havaryŭ, što «my svaju krainu im nie addadzim».

Na samaj spravie formuła była takaja — «my svaju krainu im, biełarusam, nie addadzim», — piša Cyhankoŭ.

Čytajcie taksama:

«Jak vas razumieć, hienierał?» Što značyć zaklik Cierciela da kansensusu 

«Biez nacyjanalnaha prymireńnia nam nie zachavać niezaležnaści Biełarusi». Iosif Siaredzič vystupiŭ sa śmiełym adkrytym listom

«Tožabiełarusy». Novaje žyćcio palityčnaha kliše stahadovaj daŭniny

Клас
65
Панылы сорам
1
Ха-ха
2
Ого
2
Сумна
8
Абуральна
9