Fota: Contributor Getty Images

Fota: Contributor Getty Images

Polšča biare pad uvahu ŭsie mahčymyja pravakacyi, jakija moža ŭčynić režym Łukašenki, asabliva napiaredadni parłamienckich vybaraŭ vosieńniu. Ab hetym ŭ efiry Polskie Radio zajaviŭ namieśnik ministra ŭnutranych spraŭ Polščy Maciej Vonsik.

Pavodle jaho słoŭ, Łukašenka, chutčej za ŭsio, zachoča ŭmiašacca ŭ polskija vybary z metaj dystabilizacyi situacyi ŭ krainie. 

«My pastajanna sočym za situacyjaj na polska-biełaruskaj miažy i biarem pad uvahu fakt, što Łukašenka chutčej za ŭsio pasprabuje ŭmiašacca ŭ vybary ŭ Polščy i destabilizavać krainu. Dla hetaha mohuć być užytyja lubyja pravakacyi, jak, naprykład, heta było z biełaruskimi viertalotami», — adznačyŭ namieśnik ministra polskaha MUS.

Nahadajem, što sam Łukašenka niadaŭna zahadaŭ «źviazacca z palakami», kab abmierkavać naładžvańnie adnosin. Tyja, darečy, užo adkazali, što padobnyja zajavy Łukašenki źjaŭlajucca «pustymi słovami», asabliva kali ŭ Biełarusi vielizarnaja kolkaść palitviaźniaŭ, a taksama prysutničajuć vahnieraŭcy i rasijskaja jadziernaja zbroja.

Heta ŭsio ŭ tym liku adbyvajecca na fonie mahčymaha poŭnaha zakryćcia miežaŭ ź Biełaruśsiu z boku Polščy, Litvy i Łatvii, što źjaŭlajecca adkazam na pravakacyi režymu Łukašenki i Rasii na miažy ź Jeŭrasajuzam.

Čytajcie taksama:

Prezident Polščy raskazaŭ, što pavinien zrabić Minsk dla palapšeńnia adnosin z Varšavaj

Litoŭski deputat pra zakryćcio dvuch pamiežnych pierachodaŭ: Heta sihnał Łukašenku

U KDB pačali vyklikać ludziej, jakija niadaŭna prachodzili polska-biełaruskuju miažu — krynicy

Клас
1
Панылы сорам
0
Ха-ха
1
Ого
0
Сумна
0
Абуральна
0