Andžej Duda. Fota: «Naša Niva»

Andžej Duda. Fota: «Naša Niva»

Biełaruś pavinna spynić hibrydnyja ataki na polskaj miažy, zajaviŭ prezident Polščy ŭ adkaz na niadaŭniuju zajavu Alaksandra Łukašenki, jaki kazaŭ, što choča palepšyć adnosiny pamiž Biełaruśsiu i Polščaj, piša Polskaje radyjo.

Andžej Duda zajaviŭ u Varšavie padčas sustrečy z prezidentam Łatvii, što dla palapšeńnia adnosinaŭ pamiž dźviuma krainami Biełaruś pavinna spynić hibrydnyja ataki na miažy. Havorka idzie pra sotni mihrantaŭ, jakich biełaruski režym šmat miesiacaŭ sprabuje pierapravić u Polšču:

«Nie sakret, bo ŭ nas jość dokazy ŭ vyhladzie videamateryjałaŭ, što nazyvać hetyja dziejańni hibrydnaj atakaj nie biespadstaŭna. Bo nie chto inšy, jak pradstaŭniki biełaruskich słužbaŭ, biełaruskija aficery ŭdzielničali ŭ vyciaśnieńni mihrantaŭ da linii miažy».

Andžej Duda dadaŭ, što polskaja miaža ź Biełaruśsiu źjaŭlajecca taksama miažoj Jeŭrasajuza. Tamu, pavodle palityka, Polšča niasie adkaznaść i pierad svaimi jeŭrapiejskimi sajuźnikami.

Čytajcie taksama:

MZS Polščy raskazała, što pavinna zdarycca dla palapšeńnia adnosin Varšavy i Minska

Krainy Bałtyi i Polšča abmiarkujuć pytańnie zakryćcia miažy ź Biełaruśsiu ŭžo ŭ hetym miesiacy

Litva ŭsio ž zakryvaje dva punkty propusku na miažy ź Biełaruśsiu

Niezaležnyja Ukraina i Biełaruś nadzvyčaj važnyja dla niezaležnaj Polščy — Andžej Duda

Клас
19
Панылы сорам
3
Ха-ха
1
Ого
1
Сумна
1
Абуральна
1