Ilustracyjnaje fota: «Naša Niva»

Ilustracyjnaje fota: «Naša Niva»

Biełaruskija navukoŭcy raspracavali dyjetyčnuju kiłbasu dla školnikaŭ, paviedamiła na pres-kanfierencyi ŭ sieradu namieśnik dyrektara pa navukovaj rabocie Instytuta miasa-małočnaj pramysłovaści NAN Biełarusi Alena Ściapanava, piša «Sputnik».

Jana raspaviała, što dla daškolnikaŭ i školnikaŭ vypuskajecca kala 30 najmieńniaŭ małočnych i miasnych vyrabaŭ: paŭfabrykaty, kiłbasy, paštety.

«Z navinak — kiłbasnyja vyraby dla charčavańnia dziaciej z pavyšanym indeksam masy cieła. Za košt źnižeńnia ŭ receptury da 30% tłušču nam udałosia pamienšyć kałaryjnaść z 246 da 160 kiłakałoryj na 100 hramaŭ praduktu», — adznačyła Ściapanava.

Pavodle jaje słoŭ, u praduktach dla školnikaŭ na 10% była źnižana kolkaść soli i pavialičana kolkaść vitaminaŭ hrupy B i mahniju.

«Budziem pracavać dalej nad pašyreńniem asartymientu i zadavalnieńniem patreby našych dzietak», — kanstatavała navukoviec.

Čytajcie taksama:

Biełaruskija škoły pieraviaduć na novy farmat charčavańnia. Kali i jak?

Клас
0
Панылы сорам
0
Ха-ха
4
Ого
0
Сумна
0
Абуральна
0