Biełaruskaja himnazija ŭ Vilni. Fota: «Radyjo Svaboda»

Biełaruskaja himnazija ŭ Vilni. Fota: «Radyjo Svaboda»

«Naša inicyjatyva zusim maładaja, my navat pakul jašče nijak nie aformlenyja, ale čakać niemahčyma, treba dziejničać. Reč u tym, što ŭ Vilni ciapier vielmi šmat biełarusaŭ, i chvala rełakantaŭ nie spyniajecca. Baćki, jakija vymušana ŭciakajuć ź Biełarusi, chočuć, kab ich dzieci navučalisia na rodnaj movie», — chvalujecca Maryna.

Na pytańnie, a jak ža Himnazija imia Franciška Skaryny, jana adkazvaje, što pastupić tudy paśla pačatkovaj škoły amal niemahčyma. Achvotnych — vialikaja kolkaść, a biaruć adnaho-dvuch. Jaje dačuška, naprykład, sioleta znoŭ pojdzie ŭ ruskamoŭnuju škołu, ale i tut jość svaje niuansy, tłumačyć biełaruska.

«Za hod-dva našy dzieci nie ŭ stanie asvoić litoŭskuju movu. Zastajucca abo ruskamoŭnyja škoły, abo polskija škoły. Ale chaciełasia b, kab dzieci vučylisia na rodnaj movie», — kaža žančyna.

Da vieraśnia treba sabrać sotni podpisaŭ

Adziny vychad — adkryć paŭnavartasnuju biełaruskuju škołu, prytym municypalnuju. Kab u biełaruskich dziaciej była mahčymaść vučycca na rodnaj movie biaspłatna, da vieraśnia treba sabrać podpisy pad admysłovaj pietycyjaj. A kab inicyjatyvu ŭspryniali surjozna, takich podpisaŭ ad biełaruskich baćkoŭ treba sotni, tłumačyć Maryna. 

«My skłali pietycyju na biełaruskaj movie, paśla jana budzie pierakładzienaja na litoŭskuju i padadzienaja ŭ samakiravańnie. U našym dakumiencie my budziem spasyłacca na litoŭskaje zakanadaŭstva, na toje, što našy dzieci majuć prava navučacca na rodnaj movie. Kali nas budzie dastatkova, to my možam padavacca na adkryćcio mienavita municypalnaj škoły, nie pryvatnaj».

Šukajuć, darečy, nie tolki tych, chto chacieŭ by vučycca ŭ škole, a i tych, chto moh by tam vykładać.

«Šmat nastaŭnikaŭ byli vymušanyja źjechać ź Biełarusi. My ich taksama čakajem, budziem dapamahać im z paćviardžeńniem kvalifikacyi ŭ Litvie — kab jany mahli ŭładkavacca, mahli realizoŭvać siabie jak prafiesijanały», — zaprašaje Maryna i kaža, što ŭ płanach jość taksama i supraca sa Skarynaŭskaj himnazijaj.

«Na jaje bazie ŭžo stvorana mietadyčnaja baza, jość padručniki, tamu hetyja aśpiekty prablemaj nie buduć».

Fota: Oko.by

Fota: Oko.by

Dzie i jak padpisać pietycyju

Kab raspačać uzajemadziejańnie z Departamientam adukacyi Litvy i inšymi dziaržaŭnymi strukturami, nieabchodna viedać kolkaść dziaciej, jakija mohuć stać vučniami biełaruskaj navučalnaj ustanovy. Tamu stvaralniki inicyjatyvy prosiać prajści apytańnie. Heta dapamoža zrazumieć kolkaść mahčymych vučniaŭ u novaj škole.

Jašče adna apytanka stvoranaja dla nastaŭnikaŭ, jakija vałodajuć biełaruskaj movaj i zdolnyja vykładać na joj svoj pradmiet.

9 žniŭnia na vialikim maršy salidarnaści a 18-j na Kafiedralnaj płoščy ŭ Vilni kala sceny možna budzie padpisać pietycyju. Šukajcie vałancioraŭ z transparantam pra škołu. A paśla 9 žniŭnia na praciahu tydnia z 11:00 da 23:00 u karčmie «1863» (Vokšto 2, Vilnius) možna taksama pakinuć podpis pad zvarotam.

Čytajcie taksama:

Biełarusaŭ u Litvie za paŭhoda paboleła na 10 tysiač

Biblijateka Kanhresa ZŠA vyłučaje biełaruskaje ŭ asobny raździeł

«Nieabchodnaści ŭ ich funkcyjanavańni niama». U Minsku likvidujuć dva licei

Клас
14
Панылы сорам
2
Ха-ха
5
Ого
1
Сумна
2
Абуральна
5